Buǵan deıin Ulttyq kompanııa barlaý jáne óndirý boıynsha jol kartasyn bekitken bolatyn, onyń aıasynda resýrstyq bazany 700 mlrd tekshe metrden astam kólemge arttyrý josparlanǵan. «QazaqGaz UK» AQ «Tegis-Munaı» JShS aktıvteri boıynsha satyp alý-satý mámilesin jasady. Onyń quramyna «Mańǵyshlaq-Munaı» JShS kiredi. О́z kezeginde, «Mańǵyshlaq-Munaı» kompanııasynyń Túrkistan oblysy Prıdorojnoe ken ornynda gaz óndirý boıynsha jer qoınaýyn paıdalaný quqyǵy bar.
Prıdorojnoe ken orny Túrkistan oblysy Sozaq aýdanynda ornalasqan. Ken orny 1975 jyly ashylǵan bolatyn. Memlekettik komıssııa ken ornynda tereńdigi 1 450 jáne 2 600 metrde, kólemi 16,5 mlrd tekshe metr gazdyń bar ekendigin anyqtaǵan.
Eske salaıyq, «QazaqGaz» UK» AQ «Amangeldi Gaz» kásipornyn qaıta qurý arqyly «QazaqGaz Barlaý jáne óndirý» bólimshesin ashty. «QazaqGaz» basqarma tóraǵasy Sanjar Jarkeshovtiń aıtýynsha, jer qoınaýyn paıdalaný boıynsha barlyq jańa joba osy «QazaqGaz Barlaý jáne óndirý» qurylymynda bolady.
