Qaraǵandylyq fermerler Reseıge et eksporttaýdy kózdep otyr

ASTANA. 11 maýsym. Qaraǵandy oblysynyń sharýalary jyl sońyna deıin Reseı naryǵyna 400 tonnaǵa jýyq sıyr etin eksporttaýdy kózdeýde. Bul týraly «QazAqparat» habarlady. Qaraǵandy oblysynan Reseıdiń shekaralas óńirleri men Máskeýge muzdatylǵan sıyr etin jetkizý týraly arnaıy kelisim bar. Osy kelisim boıynsha et ónimin eksporttaýǵa óńirdiń sharýalary daıyn kórinedi. Et eksporttaý kúzde bastalady dep kútilýde. Oblys ákimdigi agrarlyq-ónerkásiptik keshen bóliminiń málimetine qaraǵanda, óńirde «Sybaǵa» baǵdarlamasy boıynsha mal sharýashylyǵy mamandary sońǵy úsh jylda 20 myń bas iri qara mal satyp alǵan. Oblys bul baǵdarlamany iske asyrýda kósh bastap tur. Habarlamada kórsetilgendeı, Qaraǵandy oblysy taýarlyq et óndirisi úshin seleksııalyq-asyl tuqymdy mal ósirý jaǵynan el boıynsha eń joǵary kórsetkishke ıe. Analyq maldyń tuqymymen býdandastyrý úlesi 25,6 paıyzdy, al respýblıkalyq ortasha deńgeı 16 paıyzdy qurap otyr. Joldybaı Bazar. Derekkóz: «QazAqparat». Foto: diapazon.kz.