Elimiz boıynsha Astana týraly 25 jańa án jazyldy

ASTANA. 11 mamyr. Elorda kúnine oraı  uıymdastyrylyp otyrǵan «Án júregim - Astana!» jas oryndaýshylardyń baıqaýyna elimizdiń óńirlerinen Astana týraly 25 avtorlyq án kelip tústi. Bul týraly astana.kz habarlady. Astana kúnine arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtaby habarlaǵandaı, baıqaýǵa qatysýǵa nıet bildirgenderden ótinimder qabyldaý 20 maýsymǵa deıin jalǵasady. Baıqaý alǵash ótkizilgeli beri, ıaǵnı, tórt jyldyń elordamyz jaıly 100 jýyq jańa án jazylypty. О́ner saıysyn uıymdastyrýshylardyń aıtýlaryna qaraǵanda, «Án júregim - Astana!» elorda týraly úzdik ánderdi kópshilikke tanystyrady etedi, sondaı-aq, jas daryndy oryndaýshylarǵa úlken sahnaǵa shyǵýǵa múmkindik beredi. Sharany ótkizýdegi maqsat –  jastardy otanshyldyqqa, eldi, jerdi súıýge shaqyrý. Baıqaý talaby boıynsha, qatysýshylardyń jasy 30-dan aspaýy kerek. Sondaı-aq,  avtorlyq án tolyǵymen «Án júregim - Astana!» taqyrybyna saı bolýy tıis. Jeńimpaz ben júldegerler gala-konsertke qatysyp, dıplomdarmen jáne baǵaly syılyqtarmen marapattalady. Joldybaı Bazar. Derekkóz: astana.kz. Foto: afishaday.kz.