Soltústik Qazaqstan oblysy ákiminiń jańa orynbasary taǵaıyndaldy

ASTANA. 11 maýsym. Prezıdent ákimshiliginiń kelisimimen Soltústik Qazaqstan oblysynyń ákimi Erik Sultanov Mamlıýt aýdanynyń burynǵy basshysy Vladımır Býbenkony óziniń orynbasary etip bekitti. Bul týraly «QazAqparat» habarlady. Endi Vladımır Býbenko atalǵan óńirdiń qurylys, kólik jáne avtokólik joldary salalaryn qadaǵalaıdy. Ol oblysqa qarasty Býlaev jáne Sokolov aýdandarynda túrli qyzmetterdi atqarǵan. Sondaı-aq, Qyzyljar, Esil, Maǵjan Jumabaev aýdandarynda ákimniń orynbasary, ákim boldy. Al osy taǵaıyndaýǵa deıin Mamlıýt aýdanyn basqaryp keldi. Buǵan deıin Soltústik Qazaqstan oblysy ákiminiń orynbasary qyzmetin Vladımır Balahonsev atqarǵan. Alaıda, onyń ústinen memleketik satyp alý konkýrstaryn júrgizý kezinde qyzmettik ókilettigin asyra paıdalandy degen aıyptaý boıynsha is qozǵalyp, sonyń saldarynan qyzmetinen shettetilgen bolatyn. Joldybaı Bazar. Derekkóz: «QazAqparat». Foto: maps.resurs.kz.