Eýrazııalyq ekonomıkalyq odaq máseleleri joǵarǵy oqý oryndarynda talqylanýy tıis

ASTANA. 11 maýsym. Belarýs memleketiniń Bilim mınıstri Sergeı Maskevıch Eýrazııalyq ekonomıkalyq odaqqa qatysty mańyzdy máseleler joǵarǵy oqý oryndarynda júıeli túrde talqylanýy tıis dep esepteıdi. Bul týraly «QazAqparat» habarlady. Nazarbaev ýnıversıtetinde ótip jatqan Joǵary bilim kóshbasshylarynyń III Eýrazııalyq forýmyna qatysyp jatqan Sergeı Maskevıch: «Búginde Eýrazııalyq ekonomıkalyq odaqty qurý barysynda oǵan qatysýshy úsh memlekettiń bilim berý júıesinde de jańa máseleler tur. Sondyqtan biz atalǵan odaqqa qatysty mańyzdy jaǵdaıattardy talqylaýǵa tıispiz», – dedi. Belarýs mınıstriniń sózine qaraǵanda, qazirgi zamanda kez kelgen memlekettiń básekege qabilettiligi sol eldegi ýnıversıtetterdiń áleýetine de baılanysty. Sondaı-aq, ol: «Memleketimiz ben ekonomıkamyzdyń básekege qabilettiligi týraly sóz qozǵalǵanda, eń basty nazardy joǵary bilim ordalarynyń bilikti maman daıyndap shyǵarýyna aýdaramyz. Sondyqtan bul jaǵdaıda ýnıversıtettiń mamandardy qandaı deńgeıde daıyndap shyǵaratyny óte mańyzdy», – dedi. Joldybaı Bazar. Derekkóz: «QazAqparat». Foto: kraj.by.