Astanada aýdaryspaqtan I ashyq Azııa chempıonaty ótedi

ASTANA. 11 maýsym. Astanadaǵy «Qazanat» ıppodromynda 15 maýsym kúni aýdaryspaqtan alǵash ret I ashyq Azııa chempıonaty bolady. Bul týraly egemen.kz tilshisi habarlady. Atalǵan básekede 11 memleketten qurysh bilekti, taqymy tastaı jigitter óner kóretedi. Naqtysyn aıtqanda, chempıonatta Qazaqstan, Qytaı, Reseı, Túrkııa, Vengrııa, Aýǵanstan, Qyrǵyzstan, Tájikstan, О́zbekstan, Ázerbaıjan jáne Mońǵolııa memleketteriniń sportshylary saıysyp, jeńimpazdy anyqtaıtyn bolady. Jarys úsh salmaq dárejesi boıynsha ótedi (70 kıloǵa deıin, 90 kıloǵa deıin, 90 kılodan joǵary). Saıys sońynda júldege ilikkender ózara absolıýtti chempıon ataǵyn sarapqa salady. Bul chempıonatty Sport jáne dene shynyqtyrý isteri agenttigi, «Samuryq-Qazyna» Ulttyq ál-aýqat qory jáne Ulttyq sport túrleri qaýymdastyǵy birlese uıymdastyryp otyr. Qaperińizde júrsin, aýdaryspaq – salt attylar birin-biri er ústinen aýdaryp túsirýdi kózdeıtin qazaqtyń ulttyq sport túrleriniń biri. At ústinde alysý úshin sportshy epti, tózimdi, myqty bolýy kerek. Joldybaı Bazar. Derekkóz: egemen.kz. Foto: ulttygsport.kz.