«2022 jyldyń ishinde 407 myń júkti áıel baqylaýda boldy, 412 myń bala dúnıege keldi. О́tken jyldyń qorytyndysy boıynsha ana óliminiń 3 esege tómendeýine qol jetkizildi», dep atap ótti V.Dýdnık.
Alaıda, qyzmetterdiń negizgi kórsetkishteriniń tómendeýine qaramastan, kadr tapshylyǵy, materıaldyq-tehnıkalyq jaraqtandyrý, ınfraqurylymnyń tozýy basty problema kúıinde qalyp otyr, bul medısınalyq kómek kórsetý sapasyna tikeleı áser etedi. Áıelder men balalarǵa bilikti medısınalyq kómek kórsetý úshin elde 5 myńnan astam MSAK obektisi, 240 perzenthana, onyń ishinde 39 perınataldyq ortalyq, 23 balalar aýrýhanasy jáne 4 respýblıkalyq klınıka jumys isteıdi.
Vıse-mınıstrdiń aıtýynsha, perzenthana deńgeıinde akýsher-gınekologtermen jumys isteý 45%-dan 80%-ǵa deıin ózgeredi. Ol osy baǵyttaǵy kadr tapshylyǵyn atap ótip, búginde elimizde 275 akýsher-gınekolog, 323 anestezıolog-reanımatolog, 100 neonatolog jetispeıtinin jetkizdi. Balalar stasıonarlarynda 200 pedıatr, 340 anestezıolog-reanımatolog tapshylyǵy baıqalady. Soltústik Qazaqstan oblysynda neonatologtardyń, Atyraý oblysynda pedıatrlardyń, Túrkistan oblysynda balalar anestezıolog-reanımatologtarynyń tapshylyǵy erekshe nazar aýdarady.
Kadrlyq qajettilikterdi qamtamasyz etý maqsatynda mınıstrlik 2022 jyly «Akýsherlik jáne gınekologııa» mamandyǵy boıynsha rezıdentýranyń 108 bilim berý grantyna, «Pedıatrııa», «Neonatologııa», «Balalar hırýrgııasy», «Balalar onkogematologııasy» mamandyqtary boıynsha 292 grantqa memlekettik tapsyrys bóldi. О́ńirlerge 290 jas túlek, onyń ishinde 198 balalar dárigeri, 92 akýsher-gınekolog bólindi. Ol balalar ólimine áser etetin faktorlardyń qatarynda patronattyq baqylaýdyń tıimdiligin atady. «El boıynsha balalardy ámbebap patronajdyq paketpen qamtý 86%-dy quraıdy, olardyń tek 17%-y progressıvti baqylaýǵa jatady, bul júrgiziletin patronajdar sapasynyń tómendigin kórsetedi. Halyqaralyq talaptarǵa sáıkes progressıvti pakettegi balalar sany keminde 30%-dy quraýǵa tıis», dedi V.Dýdnık.
Balalar densaýlyǵyn saqtaý isindegi jetistikter týraly aıta kele, vıse-mınıstr neonatologııadaǵy joǵary mamandandyrylǵan kómekti damytýdyń joǵary deńgeıin atap ótti. Osylaısha, dene salmaǵy óte tómen balalardyń ómir súrý deńgeıi 4 ese ósti; náreste ólimi 1,7 ese, balalar ólimi 1,6 ese tómendedi, neonataldyq hırýrgııanyń jáne osy tehnologııalardyń óńirlerge transfertiniń damýymen týa bitken aqaýlary bar jańa týǵan nárestelerdiń ómir súrý deńgeıi 86%-dy qurady.
Infraqurylymnyń tozýyn jáne perzenthanalar men balalar stasıonarlarynyń tehnıkalyq jabdyqtalýynyń jetkiliksizdigin eskere otyryp, 2023 jyly Memleket basshysynyń tapsyrmasymen halyqaralyq standarttar boıynsha 11 perınataldyq ortalyq salý máselesi pysyqtalýda.
Jol-kólik oqıǵalarynan bolatyn ólim-jitim kórsetkishiniń 19%-ǵa ósýi úlken alańdaýshylyq týdyryp otyr. Ol Jetisý, Almaty, Jambyl, Qyzylorda jáne Aqtóbe oblystarynda asa joǵary. V.Dýdnıktiń aıtýynsha, bul kórsetkishke áser etetin faktorlardyń biri – travmatologtarmen qamtamasyz etý, 6 oblysta mundaı beıindegi mamandar is júzinde joq, sondyqtan osy baǵytta medısınalyq kómek kórsetý tıisinshe zardap shegedi.
Vıse-mınıstr sondaı-aq respýblıka boıynsha ólim-jitim 2021 jylǵy 18%-dan ótken jyly 15%-ǵa deıin tómendegen ınsýlt jáne jiti ınfarktpen aýyratyn pasıentterge ýaqtyly medısınalyq kómek kórsetý máselesine nazar aýdardy. «Mundaı pasıentterdiń joǵary ólim-jitiminiń sebebi qosalqy aýrýlaryna jáne kesh emdelýge baılanysty bolyp qalady, sondaı-aq trombolıtıkalyq terapııa da jetkiliksiz qoldanylady. El boıynsha dıspanserlik esepke alynǵan adamdardyń sany nebári 69%-dy qurady, 2021 jyly – 84%. Bul rette ınsýlt alǵan barlyq naýqastyń 100%-y dıspanserlik esepke alýǵa jatady», dedi mınıstrdiń orynbasary.
V.Dýdnık 2023 jylǵa josparlanǵan jumystyń birneshe negizgi baǵyttaryn atap ótti. Sonyń ishinde MSAK, jedel járdem jumysyn jetildirý, QAJ mekemeleriniń sottalǵan tulǵalaryna medısınalyq kómek kórsetý, birqatar jol kartalaryn iske asyrý, jańa standarttar ázirleý jáne klınıkalyq hattamalardy engizý, SО́S daǵdylaryn qalyptastyrý jáne basqa jobalar bar.
