Ǵ.Qoıshybaev sıfrlyq tehnologııalardy engizý jáne bıýrokratııadan aryltý memlekettik apparat jumysynyń tıimdiligin arttyryp qana qoımaı, birinshi kezekte qazaqstandyqtardyń ómir sapasyn jaqsartýǵa yqpal etetinin atap kórsetti.
«Bıyl debıýrokratızasııalaý jáne sıfrlandyrý máselelerinde birqatar serpindi qadamdardy júzege asyrýymyz kerek. Eń aldymen, munda halyqtyń birinshi kezektegi qajettilikterine erekshe nazar aýdarǵan jón. Bul jumys Memlekettik apparattyń qyzmetin bıýrokratııadan aryltý jónindegi jarlyqty jáne Prezıdenttiń Saılaýaldy baǵdarlamasyn oryndaý sheńberinde keshendi túrde júrgizilýde», dedi Ǵ.Qoıshybaev.
Atalǵan mindetterdi sheshý qalaı iske asyrylatyny týraly B.Mýsın baıandady. Máselen, jasalyp jatqan jumystyń barlyǵy adamnyń múddesine qyzmet etýi kerek.
«Biz sıfrlandyrý árbir qazaqstandyqqa baǵyttalýǵa tıis ekenin túsinemiz. Onlaın-rejimde avtokólikti qaıta rásimdeý, týý týraly kýálik alý sııaqty azamattarymyzdyń ómirin edáýir jeńildetken jumystar iske asyrylýda. Alaıda ári qaraı damý kerek. 10 negizgi ómirlik jaǵdaıdy anyqtadyq, olardy tolyǵymen qarastyryp, ózimiz úshin proaktıvti memlekettik qyzmetterdi engizý boıynsha jumysty jalǵastyratyn negizgi sátterdi belgiledik», dedi B.Mýsın.
Sonymen qatar mınıstr memlekettik qyzmetshilerge, azamattarǵa jáne bızneske áser etetin bıýrokratııadan aryltý prosesiniń úsh negizgi baǵytyn belgiledi. Máselen, memlekettik qyzmetshiler úshin derekter negizinde sheshimder qabyldaýdy jedeldetýde esep berýdi avtomattandyrý, azamattar úshin Otbasynyń sıfrlyq kartasyn (qujattardy qajet etpeıtin proaktıvti qyzmetter) engizýdi, bıznes úshin taza paraqtan retteýdi júrgizý josparlanýda.
Keńesti qorytyndylaı kele, Ǵ.Qoıshybaev Sıfrlyq damý, ınnovasııalar jáne aeroǵarysh ónerkásibi vıse-mınıstrlerine sıfrlyq transformasııany ilgeriletýdiń mańyzdy ekenin eske saldy.
«Bıýrokratııadan aryltý tek memlekettik organdardyń jumysyn jeńildetýmen ǵana shektelmeýi kerek. Ony elimizdiń azamattary ózderiniń kúndelikti ómirinde sezinýge tıis. Bul máseleni sheshý úshin biz adamnyń múddesine baǵyttalǵan tásildi júzege asyramyz, ol memlekettik apparattyń halyqpen ózara is-qımyl jasaýyna tikeleı áser etedi», dep túıindedi Ǵ.Qoıshybaev.
