Úkimettiń jańa quramy tolyq jasaqtaldy dep aıtýǵa áli erte. Úkimetke taǵaıyndalyp jatqan jańa mınıstrlerge qatysty qoǵamda ártúrli pikir bar. Bireýleri tájirıbesi az dese, endi biri jas deıdi. Iаǵnı «Halyqaralyq arenada ózderin qalaı ustaı alady?», «Elimizdiń abyroıy men ataǵyn belgili deńgeıde qorǵaı ala ma, joq pa?» degen qorqynysh bar. Buǵan da kóńil bólýimiz kerek. Aıtpaǵym, eldiń arasynda júrip, olardy halyq tanyp, bedeli kórinip jatqandar saılanatyn bolsa, jurt ta ony qoldap, oń kózqaraspen qaraıtyny anyq. Jańadan saılanyp jatqan depýtattar elimizge bir ózgeris ákeletininen úmittimiz.
Halyqtyń ishinen jańa tulǵalar bılikke keletin bolsa, onda kóp ózgeris bolatyny sózsiz. Halyq ıdeıasy myqty, iskerligi joǵary jańa adamdardy kútedi. Eldiń sanasynda qalyp qoıǵan keshegi Sherhan Murtaza, Farıza Ońǵarsynova, Amangeldi Aıtaly sııaqty tulǵalar bar. Nege qazir osyndaı adamdar joq?! Bul tulǵalar qazirgi depýtattarǵa úlgi bolý qajet. Shynyn aıtsaq, qazirgi depýtattardy el-jurt tanymaıdy jáne kim ekenin bilmeıdi. Olardy qarapaıym halyq bilmese, qandaı ózgeris kútýge bolady? Neǵurlym kóp ózgeristi kútý úshin saılaý ádil jáne ashyq ótýi qajet.
Prezıdent ózgeristerge bastama bolatyn birqatar múmkindikti kórsetip berdi. Ony júzege asyratyn osy jańa quram. Úmitimiz óte zor. Depýtattar halyqtyń múddesin qorǵaıdy degen senimdemiz.
Qaırat AITBAI,
saıasattanýshy
