Áńgime arqaýy – yntymaqtastyq

Memleket basshysy Nursultan Nazarbaev Qazaqstan Prezıdenti janyndaǵy Shetel ınvestorlary keńesi aıasynda «Djeneral Elektrık Oıl end Gaz» kompanııasynyń prezıdenti jáne bas atqarýshy dırektory Lorenzo Sımonellımen kezdesti, dep habarlady Prezıdenttiń baspasóz qyzmeti. Kezdesý barysynda munaı-gaz ınfraqurylymy, energetıka, kólik, densaýlyq saqtaý jáne ózge de salalardaǵy yntymaqtastyqtyń negizgi baǵyttary talqylandy. Nursultan Nazarbaev kom­panııanyń Qazaqstandaǵy belsendi ınvestısııalyq qyzmetin jáne ony ári qaraı keńeıtýge ázirligin atap ótti, sondaı-aq, lokomotıv qu­ras­tyrý jónindegi birlesken kásip­orynnyń ónimderin syrt­qy naryqtarǵa shyǵarýdyń mańyz­dylyǵyna toqtaldy. Taraptar kompanııa bólim­sheleriniń memlekettik organdar­men jáne eldegi ulttyq kompa­nııalarmen tabysty ózara yqpaldastyǵyna toqtalyp,  bir­qa­tar ınfraqurylymdyq jáne kó­liktik jobalardy qarastyrdy. «Djeneral Elektrık» – Qa­zaqstan Respýblıkasyndaǵy she­tel­dik iri kompanııanyń biri. Onyń klıentteri men seriktesteri qa­taryna óńirde 200-den astam kompanııa jáne uıymdar kiredi. «Djeneral Elektrıktiń» Al­matydaǵy ókildigi 1994 jyly ashyldy.