Eń kóp baǵa ósimi Almaty oblysynda (jylyna 32,2%), Túrkistan (30,3%) jáne Ulytaý (27,1%) oblystarynda tirkeldi. Baǵanyń eń az jyldyq ósimi Batys Qazaqstan oblysynda (4,6%-ǵa) baıqaldy. Elimizdiń 20 óńiriniń ishinde jańa pisken kókónisterdiń baǵasy tek Pavlodar oblysynda 2,7%-ǵa ǵana tómendedi.
Qııar (47,9%-ǵa, kg 931 teńgege), pııaz (40,6%-ǵa, 124 teńgege), qyzanaq (22,2%-ǵa, 764 teńgege), kartop (11,9%-ǵa, 155 teńgege), qyzylsha da azdap ósti (1,5%-ǵa, 235 teńgege deıin). Bir jyl ishinde sábiz baǵasy 0,8%-ǵa, 145 teńgege, aq oramjapyraq 15,2%-ǵa, kelisi 102 teńgege arzandady.
Kókónis ımportyna keletin bolsaq, 2022 jylǵy qańtar-qazan aılarynyń qorytyndysy boıynsha burysh ımporty aıtarlyqtaı ósti (2,8 esege, 28,3 myń tonnaǵa deıin). Sonymen qatar qııar men gornıchka (85,7%-ǵa, 9,4 myń tonna), sarymsaq (76,2%-ǵa, 4,1 myń tonnaǵa deıin), asqabaq (73,2%-ǵa, 62,1 myń tonnaǵa deıin), qyryqqabat (61%-ǵa, 107,6 myń tonnaǵa deıin) jáne qyzanaq (45%-ǵa, 56 myń tonnaǵa deıin) baǵalary da kóterildi.
Kókónis eksporty boıynsha, Qazaqstannan syrtqy naryqtarǵa burysh (63,6%-ǵa, 1,4 myń tonnaǵa deıin), as qyzylshasy (62%-ǵa, 1,1 myń tonnaǵa deıin), baqsha daqyldary (56,1%-ǵa, 38,4 myń tonnaǵa deıin), sábiz (32,1%-ǵa, 3,6 myń tonnaǵa deıin), pııaz (31,8%-ǵa, 109,9 myń tonnaǵa deıin) jáne sarymsaq (18,5%-ǵa , 474,5 tonnaǵa deıin) baǵalary ósti
Qyryqqabat, qııar men qyzanaq, baıaldy eksporty qysqardy.
Kókónisterdiń negizgi túrleri boıynsha Qazaqstan Respýblıkasyna ımport eksportqa qaraǵanda birneshe ese kóp.
