Otandyq telearnanyń málimetinshe, jergilikti ónertapqyshtar topyraqqa suıyq tyńaıtqysh sebetin qurylǵyny damytyp jatyr. Joba Qostanaı men Qyzyljardyń agro-kásiporyndarymen birlese qolǵa alynǵan.
Qazir ǵylymı zerthanada qarbalas. Sıfrly frezerli stanoktyń kómegimen aýyl sharýashylyǵy tehnıkasynyń kúrdeli qosalqy bólshekteri ázirlenip jatyr.
Ǵalymdardyń maqsaty – qurylǵynyń jumys isteý tıimdiligin arttyrý, tyńaıtqyshqa ketetin shyǵyndy azaıtý. О́skemendik ǵalym Baǵdat Azamatovtyń ustanymy osyndaı. Ol qazir áriptesterimen birge jańa qurylǵyny ázirleý ústinde. «О́ńirdiń ereksheligi eskerilýi kerek. Materıal berik ári tózimdi bolýy qajet. Sondyqtan qosalqy bólshekterdiń kópshiligin jańadan salamyz», deıdi ónertapqysh.
Birlesken jobaǵa sheteldik qarjy uıymdary 300 mln teńge grant beripti. Fermerler bul qarjynyń aqtalatynyna senimdi.
Joba sátimen júzege assa, óńirdegi kúnbaǵystyń ónimdiligi 30% artady. Al tazartylmaǵan kúnbaǵys maıy óndirisiniń 80% astamynyń Shyǵys Qazaqstan oblysyna tıesili ekeni málim. Sondyqtan ár gektar jerdi tıimdi paıdalanýǵa týra keledi.
Gúlshahra SANSYZBAI
