Quramyna Býlaev, Esil, Sokolov, Presnov toptyq sý qubyry kiretin «Esil sý» kásiporny Soltústik Qazaqstan, Aqmola, Qostanaı oblysynyń 250-ge jýyq eldi mekenin, 200 myńǵa jýyq turǵynyn aýyz sýmen qamtamasyz etedi. Kandıdattarmen kezdesýge atalǵan mekemeniń júzden astam jumysshysy qatysty. Jıynda sóz sóılegen úmitkerler álemdigi taza sý tapshylyǵy jaıly jalpy málimet keltirip, atalǵan úsh óńir halqyn tirshilik nárimen qamtamasyz etip otyrǵan kásiporyn qyzmetkerleriniń jumysyn joǵary baǵalady.
– BUU málimeti boıynsha, álem halqynyń jartysyna jýyǵy sý tapshylyǵyn sezinedi. Sonyń ishinde, ásirese taza aýyz sý máselesi ózekti. Sarapshylardyń aıtýynsha, jer betinde 780 mıllıonnan astam adam taza aýyz sýǵa qol jetkize almaı otyr. Al 1,7 mıllıard adam tushy sý kózderine zárý. Álemde jyl saıyn taza sýdyń joqtyǵynan, sonyń saldarynan bolatyn antısanıtarııadan myńdaǵan adam kóz jumady. Al elimizge keler bolsaq 2025 jylǵa deıin qalalar 100 paıyz, eldi mekender 80 paıyzǵa aýyz sýmen qamtylmaq. Bul sizderdiń jáne sizderdiń áriptestesterińizdiń eren eńbeginiń arqasy. Sizder tartqan sý qubyry álem boıynsha tartylǵan eń uzyn sý qubyry retinde Gınnestiń rekordtar kitabyna endi. «Aýyl» partııasynyń basty maqsattarynyń biri – sizderdeı eńbek adamyna degen qurmetti qaıtarý. Biz tek sizdermen elimizdi ındýstrııalyq-agrarlyq derjavaǵa aınaldyramyz jáne sol arqyly baqýatty aýyl, damyǵan qala men qýatty memleket qalyptastyramyz, –dedi Qaırat Aıtýǵanov.
Eńbek adamynyń tókken tórin baǵalap, qamyn jegen partııa ókilderin ujym jyly qabyldap, sózderin yqylaspen tyńdady. Partııa saılaýaldy baǵdarlamasy baǵyttarynyń maqsat-múddelerimen qabysatynyn aıtty.
