Búgingi zaman – bilimdiniń zamany. Qazir kıimińe qarap qarsy alyp, bilimińe qarap shyǵaryp salady. Táýelsiz elimizde oqýshylardyń tereń bilim alý úshin barlyq jaǵdaı jasalǵan. Jambyldyq jas órender osy bir keńdikti, múmkindikti molynan paıdalanyp júr. Atap aıtar bolsaq, 2013-2014 oqý jylynda jambyldyq oqýshylar halyqaralyq olımpıadalar men ǵylymı baıqaýlardan bas-aıaǵy 62 medal ıelenipti. Onyń 19-y altyn, 20-sy kúmis jáne 23-i qola medal.
Negizi daryndy balalar úshin jalpy bilim berý pánderi boıynsha ótetin halyqaralyq olımpıada eń dúbirli báseke bolyp tabylady. Ol eki baǵytta, matematıka jáne gýmanıtarlyq pánder boıynsha ótedi. Respýblıkalyq olımpıadada oblystan barlyǵy 79 oqýshy baq synap, onyń 47-si júldeger atandy.
Osydan keıin bıyl ekinshi jyl qatarynan jambyldyq oqýshylar respýblıkalyq olımpıada qorytyndysy boıynsha birinshi oryndy jáne «Eń úzdik olımpıadalyq komanda» degen ataqty ıemdenip otyr. Al, Taraz qalasyndaǵy qazaq-túrik er balalar mektep-ınternaty alty jyldan beri «Eń úzdik olımpıadalyq mektep» ataǵyn eshkimge ustatqan emes. Sondaı-aq, osy oqý jylynda ǵylymı jarystarda 20 oqýshy júldeger atanyp, Jambyl oblysynan barǵan top «2014 jylǵy ǵylymı jarystardyń eń úzdik komandasy» degen marapatqa qol jetkizdi.
Osynaý jetistikterge Jambyl oblysynyń ákimi Kárim Kókirekbaev jas órendermen birge qýanyp, aımaqtyń abyroıyn aspandatqan 113 daryndy oqýshyny arnaıy qabyldap, túrli syı-sııapattar tapsyrdy. «Bilimdige dúnıe jaryq» degen, Áýlıe ata óńiriniń oqý sapasyn dáleldep, alǵyrlyq tanytyp, bilim jolyna shyndap túsken jambyldyq jastar osy qarqynymen áli talaı asýdy baǵyndyratyny anyq.
Oralhan DÁÝIT,
«Egemen Qazaqstan».
TARAZ.
Negizi daryndy balalar úshin jalpy bilim berý pánderi boıynsha ótetin halyqaralyq olımpıada eń dúbirli báseke bolyp tabylady. Ol eki baǵytta, matematıka jáne gýmanıtarlyq pánder boıynsha ótedi. Respýblıkalyq olımpıadada oblystan barlyǵy 79 oqýshy baq synap, onyń 47-si júldeger atandy.
Osydan keıin bıyl ekinshi jyl qatarynan jambyldyq oqýshylar respýblıkalyq olımpıada qorytyndysy boıynsha birinshi oryndy jáne «Eń úzdik olımpıadalyq komanda» degen ataqty ıemdenip otyr. Al, Taraz qalasyndaǵy qazaq-túrik er balalar mektep-ınternaty alty jyldan beri «Eń úzdik olımpıadalyq mektep» ataǵyn eshkimge ustatqan emes. Sondaı-aq, osy oqý jylynda ǵylymı jarystarda 20 oqýshy júldeger atanyp, Jambyl oblysynan barǵan top «2014 jylǵy ǵylymı jarystardyń eń úzdik komandasy» degen marapatqa qol jetkizdi.
Osynaý jetistikterge Jambyl oblysynyń ákimi Kárim Kókirekbaev jas órendermen birge qýanyp, aımaqtyń abyroıyn aspandatqan 113 daryndy oqýshyny arnaıy qabyldap, túrli syı-sııapattar tapsyrdy. «Bilimdige dúnıe jaryq» degen, Áýlıe ata óńiriniń oqý sapasyn dáleldep, alǵyrlyq tanytyp, bilim jolyna shyndap túsken jambyldyq jastar osy qarqynymen áli talaı asýdy baǵyndyratyny anyq.
Oralhan DÁÝIT,
«Egemen Qazaqstan».
TARAZ.
