«Halyq partııasy jaldamaly jumysshylardyń, qyzmetkerlerdiń áleýmettik quqyǵyn qorǵaý jolynda eńbek etip keledi. Biz qýatty orta taptyń qalyptasýyn qoldaı otyryp, tabıǵı shıkizatty – munaı-gaz, munaı-hımııa, taý-ken metallýrgııasyn óndirý jáne óńdeý salasy eńbekkerlerin de nazardan tys qaldyrmaımyz. Biz osy kúnge deıin Májilis minberinen metallýrgter men kenshilerdiń ózekti máselelerin kóterdik», dedi Olga Berezýskaıa.
Partııa aýyr, zııandy nemese qaýipti jumystarda isteıtin qyzmetkerlerdi 50-55 jastan zeınetke shyǵarýdy talap etedi. Sondaı-aq ol eldiń bıligi men baılyǵy Qazaqstan halqyna tıesili bolý kerek degendi alǵa tartty. Halyq partııasy sosıalızmdi jaqtaıdy. Árbir turǵyn laıyqty ómir súrý úshin tegin medısına men bilimge qol jetkizýi qajet. Partııa eń tómengi jalaqy mólsherin 140 myń teńgege deıin kóterý qajet dep otyr. Jalpy, árbir otbasynyń quramyn eskere otyryp, azyq-túlikke, densaýlyq saqtaýǵa, kommýnaldyq qyzmetke, bilimge, avtojoldarǵa naqty shyǵyndar mólsherinde salyq salynbaıtyn jáne alym alynbaıtyn eń tómengi kúnkóris deńgeıin engizý kerek. Halyq partııasy jynysyna, násiline, etnosyna jáne dinine qaramaı, Qazaqstannyń barlyq azamattarynyń quqyqtary men múmkindikteri teń bolýǵa tıis dep sanaıdy.
Al Parlament Májilisi depýtattyǵyna kandıdat, QHP tóraǵasynyń orynbasary Aleksandr Mılıýtın Abaı oblysyndaǵy «Búrkitova» JShS ujymymen kezdesti. Ol ujymǵa Halyq partııasynyń saılaýaldy baǵdarlamasyn tanystyrdy. Onyń aıtýynsha, el baılyǵynyń deni olıgarhtardyń qolynda. Monopolııalar resýrstardy rásýalap, ómirdiń barlyq salasyndaǵy sybaılas jemqorlyq mıllıondaǵan qarapaıym adamnyń bolashaǵyna balta shapqany ras. «Halyq partııasy halyq kapıtalızmin qoldaıdy. Bul qýatty orta taptyń qalyptasýy jáne áleýmettik memleket qurý degen sóz», dedi kandıdat.
