Qazaq halqynyń altyn dińgegi sanalatyn Ulytaýǵa bıylǵy jyldyń 18-22 maýsym aralyǵynda respýblıkalyq «Fotoóner» qoǵamdyq birlestiginiń uıymdastyrýymen ekspedısııa uıymdastyrylǵan edi. Oǵan qoldaý kórsetken Qaraǵandy oblystyq ákimdigi ekenin aıtý lázim. Mundaı ıgi shara 2012 jyly Jetisý óńirindegi Hantáńiriniń baýraıynda ótken bolatyn.
Jalpy, bul fotoekspedısııanyń maqsaty qazaq jeriniń bitim-bolmysyn, ıaǵnı qasıetti jerlerin, asqar
taý, baıtaq dalasyn, zamanǵa qaraı qanat jaıyp kele jatqan eldi mekender men qalasyn, sonda ómir súrip jatqan urpaqtardyń tirlik tynysyn kórsetý. Osy arqyly keıingi jas urpaqty otanshyldyq rýhta tárbıeleý. Taratyp aıtatyn bolsaq, olarǵa qazaq jurtynyń jeri men elin tanystyra otyryp, patrıottyq sezimin oıatý.
Bul jolǵy saparǵa «Fotoóner» qoǵamdyq birlestiginiń tóraǵasy Asylhan Ábdiraıym bastaǵan N.Eleýbekov, S.Maıemerov, A.Qartabaı, E.Shadrahov, S.О́tegenuly, A.Baıjanov, A.Ábdiraıym, irgeles jatqan Qytaı elinen S.Nurdybaı, S.Muqash qatysty.
Qonaqtardy «Ulytaý» ulttyq tarıhı- mádenı jáne tabıǵı qoryq murajaıynyń dırektory Baqtııar Qojahmetov qarsy alyp, kıeli óńirdi eki baǵyt boıynsha sýretke túsirý júzege asty. Ár tal jýsany men tasy tarıhtan syr shertetin atamekenimizdi aralaý barysy qasıetti Áýlıetaý bıigine kóterilip, quran baǵyshtaýdan bastaldy. Odan keıin Han ordasyn, Asan qaıǵy keshenin, Alasha han mazaryn, Altyn-shoqyny, Edige shyńyn, ózge de qasıetti de qadirli jerleri sýretke túsirildi.
Sonymen birge, Qytaı elinen kelgen baýyrlarymyzdyń ótkizgen sheberlik sabaqtary tartymdy boldy. Onda eki memleket fototilshileri ózara pikir almasyp, QHR-daǵy fotograftarǵa magıstr mamandyǵyn ıgerip, professor ataǵyn alýǵa deıin jetetini tilge tıek etildi. Bolashaqta mundaı jumys bizdiń elimizde de júzege asyp jatsa quba-qup. Osyndaı saparlarda túsirilgen sýretterden el tarıhyn jan-jaqty tanytatyn fotoalbomdar men kórmeler jasaý úrdisi iske aspaq. Bul ıgi bastama aldaǵy jyldary da jalǵasyn taba beredi. Bir sózben aıtqanda, táýelsiz Qazaq eliniń ótkeni men búginin, bolashaǵyn foto tilinde sóılete otyryp, keıingige mol mura qaldyrý nıetinde uıymdastyrylǵan jumys dep bilemiz.
Erlan OMAROV,
«Egemen Qazaqstan».
Qaraǵandy oblysy,
Ulytaý aýdany.
Jalpy, bul fotoekspedısııanyń maqsaty qazaq jeriniń bitim-bolmysyn, ıaǵnı qasıetti jerlerin, asqar taý, baıtaq dalasyn, zamanǵa qaraı qanat jaıyp kele jatqan eldi mekender men qalasyn, sonda ómir súrip jatqan urpaqtardyń tirlik tynysyn kórsetý. Osy arqyly keıingi jas urpaqty otanshyldyq rýhta tárbıeleý. Taratyp aıtatyn bolsaq, olarǵa qazaq jurtynyń jeri men elin tanystyra otyryp, patrıottyq sezimin oıatý.
Bul jolǵy saparǵa «Fotoóner» qoǵamdyq birlestiginiń tóraǵasy Asylhan Ábdiraıym bastaǵan N.Eleýbekov, S.Maıemerov, A.Qartabaı, E.Shadrahov, S.О́tegenuly, A.Baıjanov, A.Ábdiraıym, irgeles jatqan Qytaı elinen S.Nurdybaı, S.Muqash qatysty.
Qonaqtardy «Ulytaý» ulttyq tarıhı- mádenı jáne tabıǵı qoryq murajaıynyń dırektory Baqtııar Qojahmetov qarsy alyp, kıeli óńirdi eki baǵyt boıynsha sýretke túsirý júzege asty. Ár tal jýsany men tasy tarıhtan syr shertetin atamekenimizdi aralaý barysy qasıetti Áýlıetaý bıigine kóterilip, quran baǵyshtaýdan bastaldy. Odan keıin Han ordasyn, Asan qaıǵy keshenin, Alasha han mazaryn, Altyn-shoqyny, Edige shyńyn, ózge de qasıetti de qadirli jerleri sýretke túsirildi.
Sonymen birge, Qytaı elinen kelgen baýyrlarymyzdyń ótkizgen sheberlik sabaqtary tartymdy boldy. Onda eki memleket fototilshileri ózara pikir almasyp, QHR-daǵy fotograftarǵa magıstr mamandyǵyn ıgerip, professor ataǵyn alýǵa deıin jetetini tilge tıek etildi. Bolashaqta mundaı jumys bizdiń elimizde de júzege asyp jatsa quba-qup. Osyndaı saparlarda túsirilgen sýretterden el tarıhyn jan-jaqty tanytatyn fotoalbomdar men kórmeler jasaý úrdisi iske aspaq. Bul ıgi bastama aldaǵy jyldary da jalǵasyn taba beredi. Bir sózben aıtqanda, táýelsiz Qazaq eliniń ótkeni men búginin, bolashaǵyn foto tilinde sóılete otyryp, keıingige mol mura qaldyrý nıetinde uıymdastyrylǵan jumys dep bilemiz.
Erlan OMAROV,
«Egemen Qazaqstan».
Qaraǵandy oblysy,
Ulytaý aýdany.
