Ázirge jeti joba...

Bıylǵy jyly Qarataý qalasynda jylyna 15,0 myń tonna natrıı sıanıdin óndiretin zaýyt iske qo­sylady. Jobanyń quny – 12,9 mlrd. teńge. О́ndiris ornynyń ashylýyna «Bıznestiń jol kartasy-2020» baǵdarlamasy boıynsha 4,5 mlrd. teńge, al, ınfraqurylymdy damytý boıynsha 1 469 mln. teńge  bólindi. Zaýyt iske qosylǵanda 491 adam jumyspen qamtylady dep josparlanýda. Jalpy alǵanda bıyl Jambyl oblysynda Údemeli ındýstrııalyq-ınnovasııalyq baǵdarlama boıynsha 25,4 mlrd. teńgeni quraıtyn 7 jobany iske asyrý kózdelip otyr. Osynyń arqasynda 1 147 adam jumyspen qamtylady. Sonyń ishinde Qordaı aýdanynda quny 6,4 mlrd. teńgeni, qýaty 21 MVt-ty quraıtyn jel elektr stansasyn, Jambyl aýdanynda quny 2,6 mlrd. teńgeni quraıtyn et óńdeý kombınatyn erekshe aıtýǵa bolady. Bul kombınat jylyna 1800 tonnaǵa jýyq et óńdeıdi. Al, Qordaı aýdanyndaǵy altyn óńdeý zaýyty iske qosylǵannan keıin jylyna 500 tonna taza altyn, Moıynqum aýdanynda ashylǵaly otyrǵan balyq etin óńdeıtin kombınat jylyna 1200 tonna ónim óndiredi. Sondaı-aq, nemis tehnologııasy boıynsha jabdyqtalǵan úı qurylysy kombınaty men alıýmınıı radıatorlaryn shyǵaratyn óndiris oryndary da osy salanyń jumysyna úlken qarqyn qosatyny anyq. Oralhan DÁÝIT, «Egemen Qazaqstan». Jambyl oblysy.