Osyǵan oraı Túrkistan oblysynda 2025 jylǵa deıin orman qoryna tıesili 110 210 gektar alqapqa 170 mln, al 852 eldi mekendegi 1 149 gektar jerge 1 mln 81 myń túp kóshet otyrǵyzý josparlanǵan. Bıyl óńirdegi orman alqabynyń 20 300 gektar jerine 32 mln-nan astam kóshet egiledi.
Oblystyq tabıǵı resýrstar jáne tabıǵat paıdalanýdy retteý basqarmasynyń basshysy Qaırat Abdýalıevtiń aıtýynsha, búginde josparǵa sáıkes, aýdan, qala ákimdikteri kógaldandyrýǵa qajetti kóshettermen qamtamasyz etilip jatyr. Sondaı-aq basqarmaǵa qarasty orman sharýashylyǵynyń tuqymbaqtarynda ósirilgen kóshetter kúz-kóktem aılarynda mejeli jerge jetkizilýde. Eldi mekenderdi kógaldandyrýǵa berilgen kóshetterdi egý, kútip-baptaý qala, aýdan ákimderine tapsyrylǵan.
«О́tken jyldyń kúz aılarynda aýdan, qalalarǵa orman sharýashylyǵy mekemelerinen 250 myń danadan asa kóshet tegin úlestirilip, egildi. Bıyl 626 907 túp kóshet egiledi dep josparlanyp otyr. Sondaı-aq basqarmaǵa baǵynysty mekemelerdiń qosymsha suranystaryna baılanysty kóktemde 343 755, al kúzde 667 060 túp kóshet tegin úlestirýge múmkindik bar. Túrkistan qalasy aınalasynan qurylyp jatqan «Jasyl beldeý» aýmaǵy jalpy 13 629 gektarǵa jetti. Sonyń ishinde «QazAtomprom» AQ-yna qarasty kásiporyndarmen 5 929 gektar aýmaqqa japyraqty jáne sekseýildiń kóshetteri men tuqymy sebildi. Aldaǵy ýaqytta «Jasyl beldeý aýmaǵyn» 30 myń gektarǵa jetkizý baǵytynda jumystar atqarylyp jatyr», dedi Qaırat Amangeldiuly.
Bıyl kóktemde eldi mekenderge bir mln-ǵa jýyq kóshet úlestirilip, olardyń durys ári ýaqtyly egilýi jiti qadaǵalanady. О́ńirdi kógaldandyrý jumystary birinshi kezekte aýdan, qala ortalyqtarynan bastap, kirý-shyǵý qaqpalaryna deıingi aralyqty qamtyp jatyr. Buǵan qosa respýblıkalyq, oblystyq mańyzy bar joldar boıyndaǵy shekaralardan kireberis eldi mekenderge deıingi aýmaqtardyń keminde 80-90 paıyzyn kógaldandyrý jumystary atqarylyp jatyr.
Ań, qustardy zańsyz aýlaýǵa qarsy kúres maqsatynda basqarma tarapynan 1 122 reıdtik is-shara uıymdastyrylyp, 364 zań buzýshylyq faktileri anyqtalǵan. 4 995 854 teńge ákimshilik aıyppul salynǵan.
Sondaı-aq óńirdegi 158 polıgonda 92 738 tonnaǵa jýyq qaldyq jınaqtalǵan. Onyń 17 621 tonnasy qaıta óńdelgen. Bıyl qaldyqtardy qaıta óńdeý úlesi 23 paıyzǵa jetkizý josparlanyp otyr. Degenmen beıbereket tastalǵan qoqystar da az emes. Ekologııa departamentiniń málimetinshe, byltyr 408 beıbereket qoqys oryndary, ekologııalyq talaptardy buzýdyń 168 faktisi anyqtalǵan. Zań buzýshylyqtarǵa jol bergen 253 jaýapty tulǵa ákimshilik jaýapkershilikke tartyldy. Jyl qorytyndysymen memlekettik bıýdjetke 1 mlrd 666 mln teńge aıyppul óndirildi. Sondaı-aq ekologııalyq talaptardy óreskel buzǵan 8 sýbektiniń jumysy toqtatylǵan.
Túrkistan oblysy
