«Atyraý» gazetindegi jańalyq

Munaıly óńir aınasy sanalatyn, 90 jyldan astam tarıhy bar oblystyq «Atyraý» gazetiniń redaksııasy eleń etkizerlik jańa bastamalarymen tanylýda. Bul – basylymnyń túrli tanymdyq-saraptamalyq sıpattaǵy tórt birdeı qosymsha shyǵara bastaǵandyǵy. «Gazet ishindegi gazet» forma­tyndaǵy alǵashqy qosym­sha «Bız­nesmen» degen ataýmen byl­tyrǵy jyldyń aqpan aıynda jaryq kórgen bolatyn. Onda jeke kásibimdi ashyp, otandyq óndiristi óristetemin dep talap­tanýshylarǵa nasıhattyq-túsin­dirme turǵysynan naqty kómek berilgen bolatyn. Bul bas­tama, ásirese, alys aýyldardaǵy jas kásipkerler úshin úlken qoldaý bolǵany daýsyz. Redaksııa bıyl «Temirqazyq» atalatyn taǵy bir tanymdyq qosymshanyń tusaýyn kesti. Munda elimiz aldyna maqsat etip qoıǵan ozyq 30 eldiń qandaı memleketter ekendigi haqynda (jer kólemi, halyq sany, ekonomıkasy, salt-dástúri, mádenıeti, áleýmettik-turmystyq jaǵdaıy, týrızmi, ulttyq dili, t.b.) jan-jaqty maǵlumat berildi. «Te­mirqazyqtyń» ár sany bir ǵana eldi tanystyrýǵa arnalady. Qazirdiń ózinde qosymshanyń «Avstrııa», «Avstralııa», «Bel­gııa» elderi týraly keńinen baıan­daǵan nómirleri jaryq kórip úlgerdi. Jýyrda «Atyraý» gazeti otbasylyq ózekti máselelerdi tolǵaıtyn «Shańyraq», quqyqtyq jáne zańdylyq problemalaryn qaýzaıtyn «Ádilet álemi» degen taǵy eki qosymshany jaryqqa shyǵardy. Olardyń alǵashqy sandarynan-aq kóterer júginiń jeńil emesi, oqyrmandy tolǵandyratyn jaılardy dóp basýymen erekshelenetin jańa jobalar ekendigi anyq ańǵarylady. Joldasbek ShО́PEǴUL, «Egemen Qazaqstan». Atyraý oblysy.