Qazaqstan Respýblıkasy Eńbek jáne halyqty áleýmettik qorǵaý mınıstrliginiń buıryǵy №157-ó

2014 jylǵy 9 sáýir,  Astana qalasy «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti» memlekettik mekemesiniń erejesin bekitý týraly «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasynyń Zańy 29-babynyń 1-tarmaǵy 6) tarmaqshasyna jáne «Qazaqstan Respýblıkasy Eńbek jáne halyqty áleýmettik qorǵaý mınıstrliginiń keıbir máseleleri» Qazaqstan Respýblıkasy Úkimetiniń 2004 jylǵy 29 qazandaǵy № 1132 qaýlysyna sáıkes buıyramyn: 1. Qosa berilip otyrǵan «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti» memlekettik mekemesiniń erejesi bekitilsin. 2. Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalanýyn; 3) osy buıryqtyń Qazaqstan Respýblıkasy Eńbek jáne halyqty áleýmettik qorǵaý mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr T. DÚISENOVA. Qazaqstan Respýblıkasy Eńbek jáne halyqty áleýmettik qorǵaý mınıstriniń 2014 jylǵy 9 sáýirdegi № 157-ó buıryǵymen bekitilgen «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti» memlekettik mekemesiniń erejesi 1. Jalpy erejeler 1. «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti» memlekettik mekemesi (budan ári – Komıtet) Qazaqstan Respýblıkasy Eńbek jáne halyqty áleýmettik qorǵaý mınıstrliginiń (budan ári – Mınıstrlik) quzyreti sheginde halyqtyń kóshi-qony salasyndaǵy kóshi-qon úderisterin retteý jáne jumysty úılestirýdi júzege asyratyn vedomstvosy (budan ári – retteý salasy) jáne ýákiletti organy bolyp tabylady. 2. Komıtet mınıstrlikke vedomstvolyq baǵynysty memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óziniń ataýy bar móri men mórtańbalary, Qazaqstan Respýblıkasy Úkimetiniń 2011 jylǵy 21 jeltoqsandaǵy № 1570 qaýlysymen bekitilgen Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalarymen belgilengen úlgidegi blankileri bolady. 3. Komıtet azamattyq-quqyqtyq qatynastarǵa óz atynan túsedi. 4. Komıtet óz quzyreti sheginde memlekettiń atynan azamattyq-quqyqtyq qatynastardyń tarapy bolady. 5. Komıtettiń qurylymy men shtat sanyn Qazaqstan Respýblıkasy Eńbek jáne halyqty áleýmettik qorǵaý mınıstrimen (budan ári – Mınıstr) keliskennen keıin Mınıstrliktiń jaýapty hatshysy (budan ári – jaýapty hatshy) bekitedi. 6. Zańdy tulǵanyń ornalasqan jeri: Qazaqstan Respýblıkasy, 010000, Astana qalasy, Orynbor kóshesi, 8-úı, 6-kireberis, «Mınıstrlikter úıi» ákimshilik ǵımaraty. 7. Memlekettik organnyń tolyq ataýy – «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti» memlekettik mekemesi. 8. Osy Ereje «Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıteti» memlekettik mekemesiniń quryltaı qujaty bolyp tabylady. 9. Komıtettiń qyzmetin qarjylandyrý respýblıkalyq bıýdjetten júzege asyrylady. 10. Jumys rejımi Qazaqstan Respýblıkasynyń eńbek zańnamasyna sáıkes mınıstrliktiń jumys reglamentinde belgilenedi. 11. Komıtettiń fýnksııalary bolyp tabylatyn mindetterdi oryndaý mánine Komıtet kásipkerlik sýbektilerimen sharttyq qatynastarǵa túspeıdi. 12. Komıtet mynadaı: etnıkalyq kóshi-qondy retteý basqarmasy; eńbek kóshi-qonyn retteý basqarmasy; kóshi-qon úderisterin úılestirý jáne monıtorıngileý basqarmasynan turady. 2. Komıtettiń negizgi mindetteri men fýnksııalary 13. Mindetter: halyqtyń kóshi-qony salasyndaǵy memlekettik saıasatty iske asyrý; sheteldik jumys kúshin tartýdy kvotalaý jáne ishki kóshi-qon aǵynyn ońtaılandyrý jolymen ishki eńbek naryǵyn qorǵaý; kóship-qonýshylardyń el aýmaǵynda utymdy qonystandyrylýyn qamtamasyz etý. Fýnksııalar: 1) kóshi-qon úderisterin monıtorıngileýdi júzege asyrý; 2) Mınıstrliktiń basshylyǵyna kóshi-qon úderisterin monıtorıngileý nátıjelerin usyný; 3) Mınıstrliktiń basshylyǵyna kóshi-qon úderisterin retteý jáne monıtorıngileý salasynda sharalar júıesin daıyndaý jóninde usynystar engizý; 4) eńbekshi kóship-qonýshylardyń jáne etnıkalyq qazaqtardyń biryńǵaı derekqoryn qalyptastyrý jáne Qazaqstan Respýblıkasy ishki ister organdarynyń, ulttyq qaýipsizdik organdarynyń, Syrtqy ister mınıstrliginiń tıisti aqparattyq júıelerimen ózara is-qımyldy qamtamasyz etý; 5) eńbek qatynastary jáne halyqtyń kóshi-qony salasyndaǵy jergilikti atqarýshy organdardy úılestirýdi jáne olarǵa ádistemelik basshylyq jasaýdy júzege asyrý; 6) Mınıstrliktiń basshylyǵyna halyqtyń kóshi-qony máseleleri jónindegi memlekettik organnyń qyzmetin vedomstvoaralyq úılestirýdi júzege asyrý boıynsha usynystar engizý; 7) quzyreti sheginde shet memleketterdiń ýákiletti organdarymen jáne halyqaralyq uıymdarmen kóshi-qon úderisterin retteý salasyndaǵy yntymaqtastyqty uıymdastyrý jáne júzege asyrý; 8) quzyreti sheginde Qazaqstan Respýblıkasynyń halyqtyń kóshi-qony týraly zańnamasynyń saqtalýyn baqylaý; 9) Qazaqstan Respýblıkasynyń zańdarynda, Prezıdentiniń jáne Úkimetiniń aktilerinde kózdelgen ózge de fýnksııalardy júzege asyrý. 14. Mindet: óńirlerdiń demografııalyq jáne áleýmettik-ekonomıkalyq damý múddelerin eskere otyryp, oralmandardyń utymdy qonystanýyn uıymdastyrý, etnıkalyq qazaqtardyń tarıhı otanyna qonys aýdarýyna járdemdesý. Fýnksııalar: 1) oralman mártebesin berý tártibin aıqyndaý jóninde usynystar ázirlep, Mınıstrliktiń basshylyǵyna engizý; 2) Mınıstrliktiń basshylyǵyna oralmandardy qonystandyrý úshin óńirlerdi aıqyndaý týraly usynystar engizý; 3) oralman mártebesin berýden bas tartý týraly shaǵymdardy qaraý; 4) etnıkalyq qazaqtardyń oralman mártebesin berý týraly ótinishteri men qujattaryn oralman mártebesin berý týraly sheshim shyǵarý úshin jergilikti atqarýshy organdarǵa jiberý; 5) oralman mártebesin berý týraly ne odan bas tartýdyń negizdelgen dáleldi sebepterimen bas tartý týraly jergilikti atqarýshy organ qabyldaǵan sheshimdi ótinish berýshige jetkizý úshin Qazaqstan Respýblıkasynyń sheteldegi mekemelerine jiberý; 6) sheteldegi mekemelerge oralman mártebesin alýǵa úmitkerdiń ultyn rastaý týraly saýal jiberý. 15. Mindet: Qazaqstan Respýblıkasynda eńbek qyzmetin júzege asyrý úshin joǵary bilikti sheteldik jumys kúshin tartý. Fýnksııalar: 1) Mınıstrliktiń basshylyǵyna ishki kóship-qonýshylardyń qonys aýdarý kvotasyn qalyptastyrý, sheteldik jumys kúshin tartý jóninde usynystar ázirleý jáne engizý; 2) Mınıstrliktiń basshylyǵyna ishki kóship-qonýshylardy qonystandyrý jáne sheteldik jumys kúshin tartýǵa arnalǵan kvotalardy oblystardyń, respýblıkalyq mańyzy bar qalalar men elordanyń arasynda bólý jóninde usynystar engizý. 3) «Sheteldik jumys kúshi» avtomattandyrylǵan aqparattyq júıesi derekqoryn qalyptastyrý. 3. Komıtettiń qyzmetin uıymdastyrý 16. Komıtetti Tóraǵa basqarady, ony mınıstr qyzmetke taǵaıyndaıdy jáne qyzmetinen bosatady. 17. Komıtet tóraǵasynyń onyń usynysy boıynsha jaýapty hatshy qyzmetke taǵaıyndaıtyn orynbasarlary bolady. 18. Komıtettiń tóraǵasy Komıtetke júktelgen mindetter men fýnksııalardyń oryndalýyna basshylyqty uıymdastyrady jáne júzege asyrady. 19. Komıtettiń tóraǵasy jaýapty hatshyǵa Komıtettiń qurylymy jáne shtat kestesi jóninde usynystar beredi. 20. Osy maqsatta Komıtettiń tóraǵasy: 1) óziniń orynbasarlarynyń mindetteri men ókilettigin aıqyndaıdy; 2) Komıtettiń quramyna kiretin qurylymdyq bólimsheler basshylarynyń mindetterin jáne ókilettigin aıqyndaıdy; 3) óz quzyreti sheginde buıryqtarǵa qol qoıady; 4) etnıkalyq qazaqtardyń oralman mártebesin berý týraly ótinishteri men qujattary kelip túsken kúnnen bastap bes jumys kúni ishinde olardy oralman mártebesin berý týraly sheshimder qabyldaý úshin jergilikti atqarýshy organdarǵa jiberedi; 5) oralman mártebesin berý týraly ne odan bas tartýdyń negizdelgen dáleldi sebepterimen bas tartý týraly jergilikti atqarýshy organdar qabyldaǵan sheshimdi ótinish berýshige jetkizý úshin Qazaqstan Respýblıkasynyń sheteldegi mekemelerine jiberedi; 6) eki nemese odan kóp ákimshilik-aýmaqtyq birlikter aýmaǵynda qoldanylatyn ruqsatty berýge nemese uzartýǵa negizdeme alǵan kúnnen bastap jeti jumys kúni ishinde jergilikti atqarýshy organdardyń, Astana men Almaty qalalarynyń óńirlik deńgeıde halyqty jumyspen qamtýǵa járdemdesýdi jáne jumyssyzdyqtan áleýmettik qorǵaýdy qamtamasyz etetin qurylymdyq bólimshesine kelisý nemese kelisýden bas tartý týraly hat jiberedi. 7) jumys berýshiniń jumystardy oryndaýǵa, qyzmetterdi kórsetýge arnalǵan sharttarynda, kelisimsharttarynda sharttyń, kelisimsharttyń basqa ákimshilik-aýmaqtyq birlikter aýmaǵynda qoldanylýy kórsetilmegen jaǵdaıda, eki jáne odan kóp ákimshilik-aýmaqtyq birlikterde eńbek qyzmetin júzege asyrý úshin sheteldik jumys kúshin tartýǵa arnalǵan ruqsatty berýge kelisim berýden bas tartady; 8) Komıtettiń qyzmetkerlerin qyzmetke taǵaıyndaıdy jáne qyzmetinen bosatady; 9) Komıtettiń qurylymdyq bólimsheleri týraly erejeni bekitedi; 10) Komıtettiń qyzmetkerlerin kótermeleıdi jáne tártiptik jaza qoldanady; 11) Komıtettiń qyzmetkerlerin issaparǵa jiberý, demalystar berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, qosymsha aqylar tóleý jáne syılyqaqylar berý máselelerin sheshedi; 12) óz quzyreti sheginde Komıtette sybaılas jemqorlyqqa qarsy is-qımylǵa baǵyttalǵan sharalardy qabyldaıdy; 13) memlekettik organdar men ózge de uıymdarda Komıtettiń atynan ókildik etedi; 14) azamattardy qabyldaýdy júzege asyrady; 21. Komıtet tóraǵasynyń orynbasarlary: 1) óz ókilettikteriniń sheginde Komıtettiń qyzmetin úılestiredi; 2) Komıtettiń tóraǵasy bolmaǵan kezeńde Komıtetke júktelgen mindetter men fýnksııalardyń oryndalýyna jalpy basshylyqty júzege asyrady; 3) Komıtettiń tóraǵasy júktegen ózge de fýnksııalardy júzege asyrady. 22. Komıtettiń quzyretine kiretin máseleler boıynsha Komıtet atynan basqa memlekettik organdarǵa jiberiletin qujattarǵa Komıtettiń tóraǵasy, ol bolmaǵan jaǵdaıda - ony almastyratyn adam qol qoıady. 4. Komıtettiń múlki 23. Komıtettiń jedel basqarý quqyǵynda oqshaýlanǵan múlki bolady. Komıtettiń múlki oǵan memleket bergen múliktiń esebinen qalyptasady jáne negizgi jáne aınalymdaǵy qarajattan, sondaı-aq quny Komıtet teńgeriminde kórsetilgen ózge de múlikten turady. 24. Komıtetke bekitilgen múlik respýblıkalyq menshikke jatady. 25. Komıtettiń ózine bekitilgen múlikti óz erkimen ıelikten shyǵarýǵa nemese oǵan ózge de tásilmen bılik etýge quqyǵy joq. 5. Komıtetti qaıta uıymdastyrý jáne taratý 26. Komıtetti qaıta uıymdastyrý jáne taratý Qazaqstan Respýblıkasynyń azamattyq zańnamasyna sáıkes júzege asyrylady. Buıryq Qazaqstan Respýblıkasynyń Ádilet mınıstrliginde 2014 jylǵy 14 mamyrdaǵy Normatıvtik quqyqtyq kelisimderdi memlekettik tirkeýdiń tizilimine №9420 bolyp engizildi.