Erteńgi saılaýda Májilistegi oryndar úshin jeti partııa baq synasady. Máslıhattardy alsaq, óńirlik deńgeıde 50/50 qaǵıdasy qoldanylǵan, aýdandarda tolyq majorıtarlyq júıe boıynsha saılaý ótpek. Bul ózgeristerdiń ózi eldiń saıası ómirine jan bitirgendeı boldy.
Erteńgi saılaýda halyqqa jany ashıtyn azamattardyń basym daýysqa ıe bolǵanyn elimizdiń árbir azamaty qalaıtyny anyq. Máslıhat saılaýy da óte mańyzdy. Bul – ár oblys, qala, aýdan turǵyndarynyń múddesi. Depýtattar nashar bolsa, sol óńirge de zııan. Osy oraıda jergilikti halyq saılaýda belsendilik tanytyp, óz tańdaýyn jasaýda qatelespeıdi degen úmittemin. Ult múddesi, el birligi, halyqtyń sapaly ómiri bárinen joǵary. Saılaýǵa salǵyrt qaramaǵan jón. Sondyqtan halqymyzdyń bolashaǵy úshin mańyzdy sátte qoǵam ómirine salǵyrt qaramaı saılaý ýchaskesine baryp, óz tańdaýymyzdy jasaýymyz qajet. Bul osy elde ómir súretin ár azamattyń mindeti dep esepteımin.
Sháripbek JAMALBEK,
Túrkistan oblysynyń
qurmetti azamaty,
«Parasat», «Qurmet»
ordenderiniń ıegeri
