Qaraǵandy oblysy ákiminiń birinshi orynbasary taǵaıyndaldy

ASTANA. 26 maýsym. Prezıdent ákimshiliginiń kelisimimen jáne Qaraǵandy óńiriniń basshysy Nurmuhambet Ábdibekovtiń ókimimen Asylbek Jeksenbaıuly Dúısebaev oblys ákiminiń birinshi orynbasary bolyp bekitildi. Bul týraly «QazAqparat» habarlady. A.J.Dúısebaev 1979 jyly týǵan. Joǵary bilimdi, ekonomıst-menedjer mamandyǵy boıynsha S.Seıfýllın atyndaǵy Aqmola agrarlyq ýnıversıtetin bitirgen. Eńbek jolyn 1996 jyly«Agro-sentr Astana» jaýapkershiligi shekteýli seriktestiginde baqylaýshy-revızor retinde bastaǵan. Ol 2002 jyldan memlekettik qyzmet salasynda eńbek etip keledi. Kólik jáne kommýnıkasııa mınıstrligi bóliminiń bas mamany, bólim bastyǵy bolǵan. 2004-2006 jyl aralyǵynda Prezıdent ákimshiligi memlekettik baqylaý jáne uıymdastyrý jumystary bóliminiń bas ınspektory bolyp qyzmet atqardy. 2006 jyldan bastap Qaraǵandy oblysynda qyzmetin jalǵastyrdy. Qazybek bı aýdany ákiminiń orynbasary, Qaraǵandy qalasy ákiminiń orynbasary boldy. 2007 jyldan 2010 jyldyń qańtaryna deıin oblys ákimi apparatyn basqardy, odan keıin oblys ákiminiń orynbasary bolyp taǵaıyndaldy. 2010-2012 jyldar aralyǵynda Prezıdent ákimshiliginiń memlekettik ınspektory, Kólik jáne kommýnıkasııa vıse-mınıstri boldy. Ol osy taǵaıyndaýǵa deıin Tabıǵı monopolııalardy retteý agenttigi tóraǵasynyń orynbasary laýazymynda qyzmet etti. Joldybaı Bazar. Derekkóz: «QazAqparat». Foto: «QazAqparat».