Eýrazııalyq ekonomıkalyq odaqtyń paıda bolýynyń tarıhı máni zor

ASTANA. 26 maýsym. Eýrazııalyq ıntegrasııa boıynsha áriptes memleketterdiń eksporty 63 paıyzǵa ósti. Qazaqstan, Belarýs jáne Reseı dıplomatııalyq mıssııalary basshylarynyń birlesken brıfınginde elimizdiń О́zbekstandaǵy tótenshe jáne ókiletti elshisi Bóribaı Jeksembın osylaı dedi. Bul týraly «QazAqparat» habarlady. Brıfıngte Bóribaı Jeksembın Eýrazııa ekonomıkalyq odaqtyń paıda bolýy tarıhı turǵyda mańyzdy ekenin aıta kele: «Qazirgi tańda 170 mln. adamy bar, jalpy óniminiń kólemi 2 trln. dollardan asyp jyǵylatyn biryńǵaı naryq quryldy. Keden odaǵy men Biryńǵaı ekonomıkalyq keńistik barynsha qarqyndy damýshy álemdik ekonomıkalyq jobalardyń birine aınaldy. Tek sońǵy 5 jylda ǵana bizdiń elderimiz arasyndaǵy taýar aınalymy 88 paıyzǵa ósip, 24 mlrd. AQSh dollaryna jetti. Eýrazııalyq ıntegrasııa boıynsha seriktes memleketterdiń eksporty 63 paıyzǵa ósti jáne 10 mlrd. dollardy qurady», – dedi. Esterińizge sala keteıik, 2014 jyldyń 29 mamyrynda Astanada Qazaqstan, Belarýs jáne Reseı Prezıdentteri Eýrazııalyq ekonomıkalyq odaq qurý týraly shartqa qol qoıdy. Joldybaı Bazar. Derekkóz: «QazAqparat». Foto: «QazAqparat».