Elimiz elektrondyq úkimetti damytýda álem boıynsha 28-oryndy ıelendi

ASTANA. 26 maýsym. Birikken Ulttar Uıymynyń elektrondyq úkimetti damytý jónindegi reıtıngisinde elimiz 193 memlekettiń arasynan 28-shi satyǵa jaıǵasty. Bul týraly primeminister.kz habarlady. Buǵan deıin bizdiń el atalǵan reıtıng boıynsha 38-shi orynda turǵan edi. Habarlamada kórsetilgendeı, búgingi kúni respýblıka turǵyndarynyń kompıýterlik saýattylyq kórsetkishi 63,2 paıyzdy qurasa, keń jolaqty ınternetke qoljetimdilik deńgeıi 67,6 paıyzǵa ósken. Sońǵy derekterge qaraǵanda, turǵyndar elektrondyq úkimet portaly arqyly 570 qyzmet pen servısterdi paıdalana alady. Buǵan qosa, kún saıyn úkimet portalyna ortasha eseppen 43 myń qoldanýshy kiredi. Taǵy bir aıta keter jáıt, qazirgi tańda elektrondyq úkimetti damytýdyń kezekti kezeńin iske asyrý maqsatynda qyzmetter men servısterdi mobıldi qurylǵylar arqyly alýǵa múmkindik beretin mobıldi úkimetti engizý jumystary júrgizilýde. Joldybaı Bazar. Derekkóz: primeminister.kz. Foto: ortcom.kz.