«JLC sút» zaýyty ujymymen kezdesýde kandıdat Erlan Saırov aýyldy jáne aýyl sharýashylyǵyn órkendetý arqyly el bolashaǵyn jarqyn etýge bolatynyn jetkizdi.
– «Amanat» partııasynyń yqpalymen aýyl turǵyndaryna mal, qus ósirý, baý-baqsha egý úshin jeńildetilgen nesıe beriledi. Aýylǵa jastardy tartý maqsatynda partııamyz aýqymdy bastama kóterip otyr. Máselen, oqý bitirip, aýylǵa bet alǵan jastarǵa qomaqty kóterme járdemaqy beriledi, – dedi E.Saırov.
О́z kezeginde, kandıdat Janarbek Áshimjanov «Kóktal» eldi mekeni turǵyndarymen kezdesýde Memleket basshysynyń Jetisý oblysynyń damýyna erekshe kóńil bólip otyrǵanyn atap ótti.
«Týrızm bolsyn, aýyl sharýashylyǵy bolsyn, kásipkerlik bolsyn, «Amanat» partııasy qaı salanyń da tyńnan tynysyn ashady. Jetisý óńirinde 12 myń gektardan astam jerge qant qyzylshasy egiledi. Partııanyń qoldaýymen shaǵyn jáne orta bıznespen shuǵyldanatyndar sany 71 myńǵa artady. Nátıjesinde, ataýly salaǵa 129 myń jetisýlyq jumysqa ornalasady. Partııanyń Jetisý óńirine arnalǵan baǵdarlamasy oblystyń áleýetin arttyrýǵa baǵdarlanǵan», dedi J.Áshimjanov.
Azamattyq qoǵam ókilderimen kezdesýde kandıdat Almas Ahmetbekuly halyqtyq partııa eldegi jemqorlyqty túbegeıli joıýǵa atsalysatynyn aıtty.
– «Amanat» partııasy eldegi jemqorlyqty joıýdy nysanaǵa alyp otyr. Biz transformasııadan óttik. Biz halyqtyń, qoǵamnyń talabyna saı ózgerdik. О́zgeler ózgerte almaǵandy biz ózgertemiz. Sebebi bizdiń ıinimizde halyqtyń, ıaǵnı sizderdiń amanattaryńyz bar. Bizdiń múdde – halyq pen bılik arasyndaǵy altyn kópirge aınalý», – dedi A.Ahmetbekuly.
Al partııanyń respýblıkalyq saılaýaldy shtabynda Talqylau dıalog alańynyń kezekti otyrysy ótip, onda «Eńbek adamy: alǵashqy jalaqydan zeınetaqyǵa deıin» taqyrybynda saraptamalyq talqylaý júrgizildi.
