Ulttyq uıysý men halyqtyq toptasýdyń tuǵyry

ASTANANYŃ ASQAQTYǴY – MEMLEKETTIŃ MEREII

6 shilde – respýblıkamyzda Astananyń 16 jyldyq mereıtoıy jalpyhalyqtyq deńgeıde toılanady. Osynaý on alty jylda sáni men saltanaty jarasqan, búginde sáýleti talaılardy tamsandyratyn eńseli elordamyzdy turǵyzdyq. Elorda – Táýelsizdigimizdiń tiregine, ekonomıkamyzdyń júregi. Astana búginde bizdiń elimizdiń kúsh-qýatyn álemge tanytqan qasıetti orda retinde ult bolyp uıysýymyzdyń, halyq bolyp toptasýymyzdyń jáne táýelsizdigimizdiń tuǵyryn odan saıyn nyǵaıtýdyń basty nyshany bolyp otyr. Búginde Astana – jaı ǵana el ordasy emes. Bul shyn máninde Táýelsiz memlekettigimizdiń Ulttyq ıdeıasynyń eń basty tuǵyrlarynyń biri. Sondyqtan da, «Astana kúni» degende biz elordanyń tarıhı joly­nan buryn, eń aldymen bas qala­nyń el damýyndaǵy ornyn, memleketimizdiń birtutas bolýyndaǵy rólin aıtamyz. Bul rette Astananyń árbir týǵan kúni – qatardaǵy mereke emes, el bolyp eseıgen jerimizdegi kópjyldyq yrys pen berekeniń árjyldyq mejeli ólshemi. El eńbeginiń zańdy jemisi. Olaı bolsa, qala kúnin atap ótýde uıym­dastyrýshylar usynyp otyrǵan árbir is-sharanyń mere­kelik mazmunynan basqa, olardyń ıdeologııalyq mańyzy qundy. Astananyń 16 jyldyǵyn merekeleýdiń basty ıdeologııa­sy – Tuńǵysh Prezıdentimiz Nursultan Nazarbaevtyń ulttyq ıdeıasy men qalyptasqan táýelsiz eldiń elordasy – Astananyń aınalasyna barsha otandastarymyzdy uıystyrý. Árıne bıylǵy qala kúninde jylda el kóńilinen shyǵyp júrgen dástúrli is-sharalardan bólek, baǵyty jańa, mazmuny tyń merekelik bastamalar bar. Eń bastysy – olardyń barlyǵy astanalyqtar men qala meımandaryna merekelik kóterińki kóńil-kúı syılaýmen qatar, barsha otandastarymyzdyń Astananyń jetistigine jaqyndyǵyn, sol ar­qyly tutas halqymyzdy astana­­sy­men, Astanany týǵan ha­l­qy­men maqtanyp-marqaıýǵa shaqy­­ratyn mándi de sándi sharalar. Astana kúnine arnalǵan sharalardyń resmı ashylýy Memlekettik týdyń saltanatty kóterilýi jáne Elbasynyń elimizdegi áskerı bilim uıymdaryn bitirýshi kýrsanttaryna ofıser­lik shen tapsyrý rásimimen bas­talady. Saltanatty rásimniń Astana kúnin merekeleýdiń bastaýy retinde qabyldanýy kezdeısoq emes. О́ıtkeni, Memlekettik tý, Eltańba, Ánuranymyz – el táýelsizdiginiń eń basty belgisi. Kez kelgen eldiń táýelsizdigin onyń memlekettik rámizderinen bólip alyp qaraýǵa bolmaıdy. Al, Astana – memleketimizdiń álem aldyndaǵy jańarýynyń nyshany. Halqymyzdyń ǵasyrlar boıǵy arman-tileginiń shynaıy bolmysy. Qalyptasqan dástúr boıynsha saltanatty shara aıasynda áskerı bilim uıymdarynyń úzdik bitirýshilerine alǵashqy áskerı shen tapsyrý rásimi ótedi. El qorǵaıtyn batyrlarymyzdyń Memlekettik tý astynda alǵashqy áskerı shen alýy úlken mártebe ári jaýapkershilik. О́ıtkeni, munyń astarynda Otan aldyndaǵy adaldyq pen el senimi jatyr. Jalpy, bıylǵy jyly mere­kelik baǵdarlama aıasynda barlyǵy 70-ke jýyq túrli sharalar ótkizý josparlanýda. Onyń ishinde basty nazar qala kósheleri men alańdarynda, saıabaqtar men gúlzarlarda ótetin sharalarǵa aýdarylyp otyr. О́ıtkeni, bizdiń júrgizgen saýaldama boıynsha osyndaı buqaralyq mándegi sharalar el kóńilinen shyǵatyn kórinedi. Al endi aýqymdyq turǵyda erekshe nazar respýblıkalyq deńgeıdegi is-sharalarǵa aýdarylatyn bolady. Ol da bolsa merekeniń ıdeologııalyq qaǵıdatyn saqtaý turǵysynan alynyp otyr. Iаǵnı, elorda kúninde Astananyń aınalasyna barsha otandastarymyzdy uıystyrý. Bul rette kelesi respýblıkalyq deńgeıdegi is-sharalardy atap ótýge bolady: – «Aıalaǵan Astana» respýblı­kalyq televızııalyq balalar baıqaýy elimizdiń túkpir-túkpi­rindegi daryndy balalardyń basyn qosyp, olardyń talantyn ashýǵa kómektesedi; – jyl saıyn uıymdas­ty­ry­latyn teatr festıvali. Onyń aıa­synda elimizdiń barlyq óńir­leri­nen kelgen teatr ujym­dary­men qa­tar, basqa elderden shaqy­ryl­ǵan­ óner maıtalmandary kór­er­­menderge óz qoıylymdaryn usy­nady; – «Máńgilik el» – «Músháıra» respýblıkalyq baıqaýy. Músháı­ranyń basty taqyryby Memleket basshysy saıasatynyń strategııalyq baǵyty «Máńgilik el» ulttyq ıdeıasynyń oryn­dalýyndaǵy Astananyń róli men mańyzy bolmaq; – otandyq oryndaýshylar­dyń qatysýymen «Astanaǵa tar­tý» jáne «Án-júregim – Astana!» eki konserttik baǵdarlama uıym­das­tyrylady. Astana kúniniń jalpyha­lyqtyq mereke ekendigin aıshyqtaıtyn ashyq alańdardaǵy aýqymdy mádenı, oıyn-saýyq sharalary sanalady. Mereke kúnderi elordanyń barlyq alańdarynda qala turǵyndarynyń erkin qydyrýy men demalysyna arnal­ǵan buqaralyq oıyn-saýyq sharalary uıymdastyrylady. Atap aıtqanda «Qazaq eli» monýmenti alańynda «Shýaqty qala» kon­serttik baǵdarlamasy jáne buqara­lyq sherý ótedi. «Shýaqty qala» festıvaliniń negizgi maqsaty – otbasylyq demalys­ty jandandyrý, otbasyndaǵy tatýlyq pen birlikti nyǵaıtý jáne salamatty ómir saltyn dáripteı otyryp, otbasylyq mádenı orta qalyptastyrý. Son­daı-aq, Qalalyq alańda túrli for­mat­taǵy jáne taqyryptaǵy birneshe shara josparlanyp otyr. Onyń ishinde kúndizgi ýaqytta – aspazdyq jáne taǵamdar festıvali, poe­zııa jáne kitap merekesi, keshki ýaqytta «Interneshnl strıt danse» kóshe bıleriniń festıvali men «Qaıyrly kesh, Astana!» jastar dıskotekasy bar. «Han Shatyr» saýda, oıyn-saýyq ortalyǵynda, Esil jaǵalaýynda jáne «Báıter­ek» monýmenti janynda dástúrli «Myńjyldyqtar toǵysyndaǵy Astana» kóshpeliler órkenıetiniń festıvali, «Astana-Arqaý» túrki mýzykasynyń festıvali, «О́zen áýenderi» jáne «Shattyq» balalar shyǵarmashylyq festıvaldary josparlanǵan. Elorda alańdarymen qatar, qaladaǵy barlyq saraılar, konsert zaldary, teatr­lar, murajaılyq holldar men elordanyń sport obektilerinde merekelik sharalar ótedi. Atap aıtqanda, Kongress-hollda aıtyskerlerdiń «Músháırasy» men «Án júregim Astana!» gala-konsertinen bólek, túrli baǵyttaǵy is-sharalar ótkizý jos­parlanyp otyr. Bul rette «Án men kúı áldıleıdi Astanany» konserti, «Astananyń úzdik taýary» baıqaý-kórmesi, «Astana kýbogy» halyqaralyq KVN lıgasy, Kondıterler festıvali,  «Kóńildi Astana» satıra keshi jáne «Sammer Djaz Astana» djaz mýzykasynyń konserti  ótkiziletin bolady. Beıbitshilik jáne kelisim saraıynda, «Astanaǵa tartý» konsertinen ózge, «Astana keshteri» klas­sıkalyq mýzyka keshi, Astana-balet qoıylymdary; «Astana juldyzy» mýzykalyq syı­lyǵyn tapsyrý saltanaty, ıllıýzıonısterdiń halyqaralyq festıvali, «Bıtva gorodov» halyqaralyq ázil festıvali ótedi. Al «Qazaqstan» ortalyq kınokonsert zalynda «Operalııa» halyqaralyq festıvali, Meı­rambek Bespaevtyń jeke konserti, Kompozıtor Shámshi Qaldaıaqov­tyń shyǵarmashylyǵyna arnal­ǵan konsert, «Mechty sbyvaıýtsıa» retro-konserti, «A-Stýdıo» tobynyń konserti astanalyqtar men qala qonaqtaryn shaqyrady. Astana kúnimen quttyqtaýǵa otandyq óner maıtalmandarymen qatar reseılik, aǵylshyndyq jáne amerıkalyq estrada men klassıkalyq mýzyka juldyzdary arnaıy keledi. Olardyń ishinde Larısa Dolına, Oleg Pogýdın, Iýrıı Antonov, Anna Netrebko, Mark Kıng, Akon jáne taǵy basqa juldyzdy meımandar bar. Sportsúıer qaýym úshin mereke kúnderi «Qaısar kerýen» buqaralyq qaıyrymdylyq velojarysy, «Qazaqstan barysy» respýblıkalyq týrnıri, «Astana kýbogy» ústel tennısi marafony, Qazaqstan Respýblıkasy Prezıdentiniń kýbogy úshin at sporty boıynsha halyqaralyq jarystar jáne «Volna ekstrıma» sporttyq aksııasy uıymdas­tyrylady. Árıne, munyń barlyǵy kelgen kórermenge tamasha kóńil-kúı syılaý úshin jasalyp otyr. Dese de Astana kúni – bul tek toı-dýman emes. Onyń aıasynda birinshi kezekte ár adamnyń jaıly ómir súrýin qamtamasyz etý úshin turǵyn úı, aýlaaralyq aýmaq, kireberis joldary, jaryqtandyrý sııaqty, bir sózben aıtqanda, barlyq sharýashylyq jumystar jasalady. Saryarqa, Almaty jáne Esil aýdandarynda qala kúni qarsańynda kóptegen aýla abattandyrylatyn bolady. Jumystar mamyr aıynyń ortasynda bastalǵan, qazirgi kúnde jalǵasýda. Asfalt-betondy jabdyqtaý, balalarǵa arnalǵan oıyn keshenderin salý, sporttyq alańqaılar, oryndyqtar, qoqys jáshikteri qoıylyp jáne aýlany bezendirý júrgizilýde. Osyndaı túıtkildi áleýmettik jaǵdaılardyń sheshilýi óz kezeginde mereke qarsańynda halyqtyń kóńil-kúıin kóterip, ár astanalyqqa merekelik sezim syılaıdy degen nıettemiz. Alyp qarqynmen damyp kele jatqan bas shahar 2050 jylǵa qaraı álemniń eń tabys­ty 10 qalasynyń birine aınalyp, aldyńǵy qatarly qalalar kóshinde bolýy kerek. Bul Elbasynyń qadap aıtqan tapsyrmasy. Bul rette Astananyń sáýlettik, estetıkalyq, kórkemdik kelbeti rýhanı-mádenı, bilimdik-tárbıelik mazmunymen astasyp jatýy qajet. Bul oraıda Astana kúnine arnalǵan mereıli sharalar el halqyn birtutas birlikke úndep, kelisim men keńdikke jeteleıdi. Barsha qazaqstandyqtardy erekshe sezimge baýrap, zor maqtanysh pen rızashylyqqa bóleıdi degen senimdemiz. Bolat TILEPOV, Astana qalasy ishki saıasat basqarmasynyń basshysy.

Sırk óneriniń halyqaralyq básekesi

Qala kúni merekesi qurmetine ótkiziletin dástúrli «Azııa jańǵyryǵy» festıvaline Maksım Nıkýlın, Edgard Zapashnyı jáne basqa da tanymal sırk juldyzdary keledi. Bıylǵy 1-8 shilde aralyǵynda Astana qalasy ákimdigi qoldaýymen jyl saıynǵy «Azııa jańǵyryǵy» 7-shi halyqaralyq sırk óneri festıvali ótedi. Jaqyn jáne alys shetel ártisterin jınaıtyn festıval jyldan-jylǵa qulashyn keńge jaıyp keledi. Bıyl ádettegiden áserli jańa kórinister kórermenderge tartý etiledi. Festıval ár eldiń ártisteri arasyndaǵy eń myqtylardyń óner dodasy ǵana emes, halyqaralyq qazylar alqasy saraptaıtyn eń iri baǵalaý alańy retinde este qalmaq. «Astanalyq sırk» manejinde elorda turǵyndary men qonaqtaryna Reseı, Qytaı, Mońǵolııa, Vetnam, Belarýs, Iаkýtııa, Ýkraına, О́zbekstan jáne Qazaqstannyń ártisteri óner kórsetedi. Olardyń kóbi búkilálemdik festıval jeńimpazdary men laýreattary, óz janrlarynyń has sheberleri, sırk áýletiniń urpaqtary. Festıval baǵdarlamasy  árbir qatysýshy memlekettiń ulttyq sırk erekshelikterin ortaǵa salatyn «jandy» ári biregeı shoýǵa qanyq. «Azııa jańǵyryǵy» halyqaralyq sırk óneri festıvali oǵan qatysýshylardyń úrmeli orkestr súıemeldeýimen Astana kóshelerindegi «Kavalkada» merekelik sherýimen ashylady. Dástúrge aınalǵan sırk óneri festıvali qala turǵyndarynyń úlken qoldaýyna ıe boldy. Jyl saıyn sırk qoıylymdary úlken qyzyǵýshylyqpen ótedi ári kelýshilerdi tamasha kóńil-kúıge bóleıdi.  Bıylǵy baıqaýǵa ónersúıer jurtshylyqqa keńinen tanymal Erik Joljaqsynov – qazylar tóraǵasy, «Astanalyq sırk» MQKK bas dırektory, QR eńbek sińirgen ártisi, Vadım Gagloev –Reseılik «Rosgossırk» sırk kompanııasynyń bas dırektory, Edgard Zapashnyı – Reseı halyq ártisi, Vernadskıı dańǵylyndaǵy Máskeý úlken sırkiniń bas dırektory, Maksım Nıkýlın – Nıkýlın atyndaǵy Máskeý sırkiniń bas dırektory, Igor Hlebosolov – Ýkraına memlekettik sırk kompanııasynyń bas dırektory jáne basqa da sırk óneriniń bilgirleri tórelik etetin bolady. Sırk óneri festıvali ádettegideı qyzyqty da áserli bolady dep kútilýde. Ulbosyn Raqaeva, Astana kúnin ótkizýdegi uıymdastyrý komıteti medıa-shtabynyń úılestirýshisi.

Jasyl orman – qyrǵaýyldar mekeni

El arasynda «Prezıdent ormany» ata­latyn Astananyń jasyl beldeýi jaı­qalyp tur. Adam qolymen ósirilgen jasandy ormannyń jasyl jelek jamylǵan aǵashtary búginde Aqkól-Býrabaı aımaǵyndaǵy tabıǵı ný ormanmen qabysýǵa jaqyn qaldy. Astananyń jasyl beldeýi atalatyn ja­san­dy orman shyn máninde adam qoly­men jasalǵan tabıǵat keremetine aı­nal­dy. Qala ishinde egilgen qara aǵash­tyń ózi zorǵa ósetin Aqmola qalasy as­tana  már­tebesine ıe bolysymen-aq Elba­sy Ar­qanyń ańyzaq jeli men aqtútek bo­ran­daryna tosqaýyl bolatyn qalanyń «ja­syl beldeýin» jasaýǵa tapsyrma ber­di. Qoldan egilgen aǵashtyń kóbi qýrap qa­latyn sortańdy aımaqta «jasandy orman» ósirý máselesine bireý sense, bireý senbedi. «Kóz qorqaq, qol batyr» demekshi El­basynyń tabandylyǵynyń arqasynda sol sortań jerde búginde júzdegen gek­tar­ǵa sozylǵan jasyl orman jaıqalyp tur. Astana irgetasy qalana bastaǵan 16 jyl­­dyń ishinde ósirilgen aǵashtar jarysa boı túzep,  syńsyǵan orman qanatyn keńge jaıdy. Qazir kópshiliktiń kózaıymyna aı­nalǵan osy ormandy jan-janýarlar da meken ete bastady. Astananyń jasyl bel­deýinde qoıan, qarsaq, túlki sııaqty ań­dar jortyp júrse, shil sııaqty qustar me­ken­deıdi. Osy ormanda dala qustaryn kó­beıtý maqsatynda birshama ıgi bas­tama­lar qolǵa alyndy. Bul rette qala mańyn­da­ǵy jasandy ormanda shildermen qatar qyr­ǵaýyldar ósirý isi qolǵa alyndy. Astana ormanynda qyrǵaýyl ósirýge basym­dyq berilýdiń basty sebebi, bul qus kúı talǵamaıdy. Arqanyń qatty aıaz­ynda qyrǵaýyldar túnde qar astyna ki­rip ketip, jan saqtaıdy. Qoregi mol bolsa bol­ǵany, qyrǵaýyldar ósimtaldyǵyn dáleldeıdi. 2010-2011 jyldary Astana ormanynyń Rojdestvenko tas jolyna jaqyn mańda analyq qyrǵaýyldarǵa arnalǵan úıshikter salyndy. Sóıtip, alǵash ret 125 qyrǵaýyl Astana ormanyna jiberilgen bolatyn. 3 jyl ishinde ınkýbasııalyq ádispen qyr­ǵaýyldar sany 3210-ǵa jetkizildi. Onyń 2300-den astamy orman alqabyna erkin­dikke jiberildi. Qazir qyrǵaýyl ósiretin úıshikterde 360 analyq qus jáne 1500-den astam shibıler jetilýde. Ústimizdegi jyldyń kókteminde Astana ormandaryna taǵy da 704 qyrǵaýyl erkindikke jiberilgen bolatyn. Búginde bul orman alqaptarynda qyrǵaýyldar jersinip, erkin ósip-jetile bastady. Olardy orman qyzmetkerleri syrttaı baqylap turady. Astananyń jasyl beldeýi qazir qyrǵaýyl, shil sııaqty qustardyń qutty mekeni boldy. Astana ormanynda qyrǵaýyldardy kóptep ósirýdiń taǵy bir sebebi, olar orman alqaptaryn zııankes jándikterden qorǵaýǵa da erekshe yqpal etedi. 16 jyl ishinde Astananyń jasyl beldeýi naǵyz tabıǵı ný ormanǵa aınaldy. Jylqybaı JAǴYPARULY, «Egemen Qazaqstan».

Serpindi joba – senimdi sapa

Elimizge ınvestısııa tartý, sol arqyly elordany kórkeıtý – búgingi kúnniń basty talaby.  Osydan on eki jyl buryn Prezıdenttiń arnaıy Jarlyǵymen qurylǵan «Astana – jańa qala» arnaıy ekonomıkalyq aımaǵynda búginge deıin 283 nysan paıdalanýǵa berildi. Osy aýmaqta  jer jáne salyq jeńildikteri qarastyrylyp, otandyq jáne sheteldik ınvestorlardy tartýǵa qolaıly jaǵdaı jasalǵan. Astananyń negizgi keskin-kelbeti men bet-beınesi – Esildiń sol jaǵalaýy ekeni anyq. Kezinde Esildiń en boıy el qonbaq túgili, ıen jazyq dala bolǵany belgili. 2001 jyly «Astana – jańa qala» arnaıy ekonomıkalyq aımaǵy qurylǵaly bul óńir adam tanymastaı ózgerdi.  Elordanyń boıtumaryna aınalǵan nebir tamasha ǵımarattar,  ákimshilik-iskerlik nysandar boı kóterdi. Arnaıy aımaqtyń maqsaty da sol – jańa shaharǵa tán zamanaýı ınfraqurylym quryp, ákimshilik, turǵyn úı, áleýmettik-mádenı mańyzdaǵy aıshyqty ǵımarattar qurylysyn salý. Indýstrııalyq park  údemeli ındýstrııalyq-ınnovasııalyq damý strategııasy sheńberinde  jańa tehnologııalarmen jabdyqtalǵan óndiris oshaqtaryn qurýdy kózdeıdi. Búginde «Astana – jańa qala» arnaıy ekonomıkalyq aımaǵyna kiretin birinshi Indýstrııalyq parktiń kólemi  598,1 gektar bolsa, jańadan qolǵa alynǵan ekinshi Indýstrııalyq parktiń aýmaǵy 433,1 gektardy quraıdy. Mundaǵy Indýstrııalyq alańda erekshe quqyqtyq rejim qalyptasqan. Elordany damytýǵa nıet bildirip, Indýstrııalyq park aýmaǵynda óndirisin ashqan ınves­torlar korporatıvtik tabys pen jyljymaıtyn múlik salyqtarynan bosatylady.  Importtalatyn taýarlarǵa aksız salýdy qospaǵanda, tarıftik retteý sharalary qol­danylmaıdy. Qurylys nysandary salynyp jat­qan jer telimderi jer salyǵynan bosatylady.  Iаǵnı, ǵımarat  salyq salý nysany  bolyp sanalmaıdy. Jer telimin jalǵa alǵandar da 10 jyl boıy jaldaý qunyn tóleýden bosatylady.  Erkin kedendik rejim qalyptastyrý arqyly  osy aýmaqty serpindi jobalardyń qaınaǵan ortasyna aınaldyrý – basty maqsat bolyp otyr. Jalpy, elimizde qurylǵan  onshaqty arnaıy ekonomıkalyq aımaqtar sol óńirge qosymsha ınvestısııa tartyp, ekonomıkasyna tyń serpin berýge baǵyttalǵan.  Solardyń ishinde Astananyń arnaıy aımaǵy – belsendi jumys istep jatqandardyń qatarynda. Búgingi tańda onyń aýmaǵynda jalpy ınvestısııa mólsheri 184 mlrd. teńge bolatyn 50 joba júzege asyrylyp, park  alańy­nyń 90 paıyzyn ıelenýde. 19 joba belsendi jumys isteýde,  taǵy 5 kásiporyndy 2014 jyldyń aıaǵyna deıin iske qosý josparlanyp otyr. Qalǵan 26 joba qurylysyn júrgizý jáne jer telimin resimdeý satysynda tur. Tutastaı alǵanda, Indýstrııalyq parktegi joba­lardyń barlyǵy 2016 jyldyń aıaǵyna deıin óndiriske kirisedi. Sol arqyly elorda naqty kórsetkishteri men eleýli áleýmettik-ekonomıkalyq tıimdilikke qol jetkizetin bolady. Máselen, 2017 jylǵa qaraı Indýstrııalyq park kásiporyndary shyǵarǵan ónimder mólsheri jyl saıyn shamamen 300 mlrd. teńgege jetedi dep kútilip otyr. Elordadaǵy ónerkásiptik jobalar negizinen №1 Indýstrııalyq parkte shoǵyrlanǵan.  Mundaǵy kásiporyndardyń barlyǵy tyń tehnologııalarmen jumys isteıdi. Olar óndirgen jobalardyń sapasy da joǵary. El ekonomıkasyn alǵa súıreıtin iri jobalardyń biri – 2010 jyly iske qosylǵan Lokomotıv qurastyrý zaýyty. Jylyna 100 teplovoz shyǵarýdy mindetine alǵan zaýyt búginde mejeli josparyn artyǵymen oryndaýda. Burynǵydaı emes, teplovoz bólshekteri de syrttan tasymaldanbaı, osy zaýyttyń ózinde óndirilip jatyr. Buǵan qosa, 2011 jyly paıdalanýǵa berilgen «Tulpar-Talgo» JShS jylyna 150 vagon shyǵarýǵa qaýqarly bolsa, «Elektrovoz qurystyrý zaýyty» JShS-niń jyldyq qýaty 50 elektrovoz shyǵarýǵa jetedi. Sondaı-aq, temir-beton ónimderin shyǵaratyn «ABK Maksat» JShS jylyna 3 mlrd. teńgeniń taýaryn óndirse, «Isker JQ» JShS jyldaǵy 2 mlrd. teńgeniń óndirisimen elordanyń ekonomıkasyn órkendetýge ózindik úlesin qosýda. Al áınekten jasalǵan buıymdardy daıyndaıtyn, quny 440 mln. teńgeni quraıtyn «Steklıannyı dom» JShS jobasy iske qosylsa, 50-ge jýyq jumys orny ashylady. Italııa, Germanııa, Reseı qondyrǵylarynda shyǵary­latyn joǵary sapaly jıhazdardy óndirýdi « Avalon-K» JShS moınyna alyp otyr. Bul jobanyń quny – 220 mln. teńge. Kásiporyn 48 adamdy jumyspen qamtýdy josparlap otyr. Jalpy, Astana qalasynyń Indýstrııalyq parki aý­ma­­ǵyn­daǵy nysandardyń 90 paıyzy ınvestısııalyq jo­ba­larmen jumys isteıdi. Jyl ótken saıyn elordanyń In­­dýstrııalyq parkine qyzyǵýshylyq  tanytyp otyrǵan ın­ves­torlar qatary kóbeıip keledi. Kelesi jyly tipti ın­vestısııalyq jobalar alańynda bos oryn qalmaýy da múmkin. Indýstrııalyq parktegi jumystar tabysty jal­­ǵasyn tapsa, qosymsha 8 myńnan astam jańa jumys or­­ny ashylyp, 180 mlrd. teńgeniń ónimi óndiriletin bolady. «Astana – jańa qala» arnaıy ekonomıkalyq aımaǵy jalpy aýmaǵy 433 ga quraıtyn №2 Indýstrııalyq park qurylysyn da qolǵa aldy.  Bıyl onyń tehnıkalyq-ekonomıkalyq negizdemesi ázirlenip bitedi.  Bul Indýstrııalyq parkte  40-qa tarta jańa kásiporyn qurylatyn bolady. Olardyń barlyǵy da ınnovasııalyq jáne ekonomıkalyq tıimdilik ólshemderine saı jumys istemek. Búginde onyń smetalyq-jobalaý jumystary men ınfraqurylymyn jasaqtaý júrgizilýde. Arhat SAIаBAEV, «Astana – jańa qala» AEA ákimshilendirý basqarmasy basshysynyń orynbasary.

Betti ázirlegen Jylqybaı JAǴYPARULY, 

«Egemen Qazaqstan» .