Astanada «Qazaqstan-2050» jalpyulttyq qozǵalysynyń alǵashqy forýmy ótedi

ASTANA. 27 maýsym. Memleket basshysynyń qoldaýymen 2013 jyldyń jeltoqsanynda qurylǵan «Qazaqstan-2050» jalpyulttyq qozǵalysy óziniń alǵashqy forýmyn 28 maýsymda elordada ótkizedi. Bul týraly «Habar» telearnasy habarlady. «Qazaqstan 2050» jalpyulttyq qozǵalysy keńesiniń tóraǵasy Danat Jumınniń aıtýynsha, atalǵan qozǵalys jumysyn bastaǵaly beri 9 jobany qolǵa alǵan. Sondaı-aq, jyldyń sońyna deıin taǵy da 5 jobany júzege asyrý josparda tur. Sonyń biri retinde «Zııatker urpaq» dep atalatyn baǵdarlamany aıtýǵa bolady. Bul baǵdarlamanyń negizgi maqsaty – aýyl men qala oqýshylarynyń bilim deńgeıin teńestirý. Sondaı-aq, taıaý arada bul uıym «Aımaq-2050» jobasyn iske qosýdy kózdep otyr. Qazirgi tańda qozǵalystyń quramynda 3 myńdaı belsendi bar. Bulardyń arasyndaǵy bilikti mamandar aýyldardaǵy jetkinshekterge aqyl-keńesterin aıtady. 28 maýsym kúni ótetin «Qazaqstan 2050» jalpyulttyq qozǵalysy forýmyna 400-den astam adam qatysady dep kútilýde. Joldybaı Bazar. Derekkóz: «Habar» telearnasy. Foto: Old.24.kz.