Ulttyq arnanyń jańa beınesi

Keshe Ortalyq kommýnıkasııalar qyzmetinde «Qazaqstan» telekompanııasymen halyqaralyq yntymaqtastyq», «Qazaqstan» ulttyq tele­arna­synyń redızaıny» taqyryptaryna arnalǵan brıfıng ótti. Jýrnalısterdiń kásibı merekesi qarsańynda ótken brı­fıngte «Qazaqstan» RTRK» AQ basqarma tóraıymy Nur­jan Muhamedjanova barsha jı­nalǵandardy merekemen qut­tyqtap, shyǵarmashylyq tabys­tar tiledi. «Osydan 3 jyl buryn «Qa­zaqstan» RTRK» quramyndaǵy negizgi bolyp tabylatyn «Qa­zaqstan» telearnasy Elbasy Nur­sultan Nazarbaevtyń tapsyrmasymen 100 paıyz qazaq tilinde habar taratýǵa kóshken bolatyn. Sol kúnnen bas­tap, biz óz telearnamyzdyń tek mazmuny jaǵynan ǵana ózge­rýine kúsh salǵan joqpyz, sonymen birge, tehnologııany jańasha meńgerýge, kórkemdeýge, kórermenderdiń kóńilinen shyǵýǵa mán berip keldik. Osy turǵydan biraz jumystar atqaryldy. Olardy atqarýda óz tájirıbemizge súıenip qana qoıǵan joqpyz, sonymen qatar, ózderińiz baıqap otyrǵandaı, biz álemdik medıanaryqtaǵy tájirıbelerdi qamtyp, ósý deńgeıimizge halyqaralyq yn­ty­maqtastyqty damytý barysynda qol jetkizdik», degen ol 50 mln. kórermeni bar VVS syn­dy korporasııamen, koreılik «Arıran», túriktiń TRT-symen baılanys ornatylǵanyn tilge tıek etti. Arnanyń ári qaraı damý ústinde ekenin aıtyp, oıyn jalǵaǵan Nurjan Jalaýqyzy «Qazaqstan» RTRK» janynan sheteldik áriptesterdiń qaty­sýymen aqyldasyp otyratyn Sarapshylyq úılesim keńesiniń qurylǵanyn jetkizdi. Sonymen birge, jýrnalıster nazaryna brıfıng kezinde ulttyq arnanyń memlekettik rámizder túsimen órnektelgen jańa logotıpi usynyldy. Brıfıngke shaqyrylǵan endi bir meıman – Halyqaralyq tele­radıohabar taratýshylar qaýym­dastyǵynyń bas dırektory, «Qazaqstan» RTRK» AQ dırek­torlar keńesi janyndaǵy saraptaý-konsýltasııalyq keń­e­siniń múshesi Saımon Spen­svık te jýrnalısterdi mere­kemen quttyqtaýdy umyt­pady. Al «Reseı radıosy» mem­lekettik radıohabar taratýshy kompanııasynyń dırektory, «Qazaqstan» RTRK» AQ dırektorlar keńesi janyndaǵy saraptaý-konsýltasııalyq keńesiniń múshesi Vıacheslav Ýmanovskıı: «Meniń Qazaqstanǵa osy jolǵy kelýim «Qazaqstan» arnasynyń jańarýymen tuspa-tus bolýda. Árdaıym jańa nárseniń basynda bolý adamǵa qýanysh syılaıdy, sondyqtan da, osyndaı múmkindik týdyrǵan áriptesterime alǵysymdy jet­kizsem deımin. Jáne maǵan osy Medıa-ortalyq ǵımaratynyń óte unaıtynyn aıtqym keledi. Shynynda da, mundaı zamanaýı Medıa-ortalyqpen kóp el maqtana almaıdy», degen ol «Reseı radıosynyń» «Qa­zaqstan» ulttyq arnasymen birlese otyryp, eki iri jobany qolǵa alǵanyn aıtty. Onyń biri –Qazaqstan Prezıdenti Nur­sultan Nazarbaevtyń kitap jazbalary bolsa, ekinshisi – Elbasynyń jańa tolyqtyrylǵan ómirbaıanynyń «Reseı» radıosynyń» efırine alda­ǵy dúısenbiden bastap tyń­daýshylarǵa jol tartatyny. BBC Advertising óńirlik ókil­diginiń basshysy, «Qazaqstan» RTRK» AQ dırektorlar keńe­si janyndaǵy saraptaý-kon­sýltasııalyq keńesiniń múshesi Sergeı Stanovskıı jýrnalıster aldynda Ulttyq arna janynan qurylǵan keńeske baǵasyn berip, bul oǵan múshe bolǵan bizdiń árqaısymyzǵa da jáne bizderdiń tarapymyzdan aıtylǵan saraptaý men syndy da tyńdaımyz dep bel baılap otyrǵan «Qazaqstan» RTRK» ujymyna da úlken júk artady degen pikirin bildirdi. Brıfıng sońynda jýrnalıs­ter qoıǵan saýaldarǵa jaýap berildi. Anar TО́LEÝHANQYZY,  «Egemen Qazaqstan».