Elimizge jalpy 180 mlrd. dollar sheteldik ınvestısııa tartylǵan

ASTANA. 30 maýsym. Táýelsizdik alǵaly beri elimizge jalpy 180 mlrd. AQSh dollary kóleminde sheteldik ınvestısııa quıylǵan. Bul týraly «24kz» habarlady. Joǵaryda kórsetilgen qarjy búkil Ortalyq Azııa memleketterine tartylǵan kapıtaldyń 70 paıyzyn qurap otyr. Búginde elimizdiń ekonomıkasyna ınvestısııa salýǵa qulshynys bildirip otyrǵan sheteldik iri kompanııalardyń qatary óse túsýde. Sheteldik ınvestorlardyń Qazaqstanǵa degen qyzyǵýshylyqtarynyń artýyna kóptegen jaǵymdy faktorlar áserin tıgizýde. Máselen, elimizde úlken naryqtyq múmkindikter men tabıǵı resýrstar mol. Sondaı-aq, elimizdiń strategııalyq ornalasýy da birqatar artyqshylyqtarǵa ıe. Budan bólek, ekonomıkalyq, saıası jáne áleýmettik turaqtylyq, qolaıly ınvestısııalyq zańnama sheteldik ınvestorlar úshin óte tıimdi. Sonymen qatar, salyq tóleýde ınvestorlarǵa edáýir jeńildikter jasalǵan. Taǵy bir erekshe toqtala keter jáıt, asa iri ınvestorlar Prezıdent janyndaǵy Sheteldik ınvestorlar keńesine múshelikke óte alady. Joldybaı Bazar. Derekkóz: «24kz». Foto: vestikavkaza.ru.