Igi jobalar el ıgiligine usynyldy

ASTANA. 2 shilde. Memleket basshysynyń qatysýymen ótken telekópir barysynda elimiz boıynsha birqatar jobalar iske qosyldy. Bul týraly egemen.kz tilshisi habarlady. Prezıdent ruqsat berisimen iske kirisken bul óndiris oryndary men qurylys jumystary el ekonomıkasyn damytýǵa súbeli úles qosady dep kútilýde. Sonymen, Memleket basshysy onlaın rejimde iske qosqan jobalardy atap óteıik. Birinshiden, Prezıdent «Qorǵas -Shyǵys qaqpasy» arnaıy ekonomıkalyq aımaqtyq qurǵaq portyn jáne Semeıdegi «Soltústik-Shyǵys-Ońtústik» elektr qýatyn berý jelilerin  salýǵa «onlaın» rejiminde ruqsat berdi. Budan bólek, telekópir barysynda myna tómendegi jańa nysandar paıdalanýǵa berildi. Burǵylaý qashaýlary (PDC-qashaýlary) zaýyty (Atyraý oblysy), Hımııalyq reagentter zaýyty (Jambyl oblysy), Shar krandaryn jáne japqysh armatýrany daıyndaıtyn zaýyt (Qaraǵandy oblysy), Sement zaýyty (Mańǵystaýoblysy), Energetıkalyq qazandyq jabdyǵyn shyǵaratyn «Petropavl aýyr mashına jasaý zaýyty» aksıonerlik qoǵamy (Soltústik Qazaqstan oblysy), Qostanaı qalasy úı qurylysy kombınaty, Sharprokat ornaǵy zaýyty (Pavlodar oblysy), Qospajem zaýyty (Kókshetaý qalasy). Taǵy bir toqtala keter jáıt, 2014 jyldyń birinshi jartyjyldyǵynda Indýstrııalandyrý kartasy sheberinde 21 joba paıdalanýǵa berildi. Sonyń nátıjesinde 2 myńǵa jýyq turaqty jumys oryndary quryldy. Al ekinshi jartyjyldyqta shamamen 100 joba paıdalanýǵa berilip, jańadan 8 myń turaqty jumys orny ashylady dep kútilýde. Joldybaı Bazar. Derekkóz: egemen.kz. Foto: thenews.kz.