Qazaqstan Respýblıkasy Úkimetiniń qaýlysy №726

2014 jylǵy 28 maýsym, Astana, Úkimet Úıi Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgeristerin men tolyqtyrýlar bekitilsin. 2. Osy qaýly 2014 jylǵy 1 sáýirden bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K. MÁSIMOV. Qazaqstan Respýblıkasy Úkimetiniń 2014 jylǵy 28 maýsymdaǵy №726 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar 1. «Jumyspen qamtýǵa járdemdesýdiń belsendi sharalaryna qatysatyn adamdardy oqytýdy, olardyń jumysqa ornalasýyna járdemdesýdi jáne olarǵa memlekettik qoldaý sharalaryn kórsetýdi uıymdastyrý jáne qarjylandyrý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 18 shildedegi № 815 qaýlysynda (Qazaqstan Respýblıkasynyń PÚAJ-y, 2011 j., № 47, 639-qujat): kórsetilgen qaýlymen bekitilgen Jumyspen qamtýǵa járdemdesýdiń belsendi sharalaryna qatysatyn adamdardy oqytýdy, olardyń jumysqa ornalasýyna járdemdesýdi jáne olarǵa memlekettik qoldaý sharalaryn kórsetýdi uıymdastyrý jáne qarjylandyrý qaǵıdasynda: 5-tarmaq mynadaı redaksııada jazylsyn: «5. Jumyspen qamtý máseleleri jónindegi ýákiletti organ kásiptik baǵdarlaýdy halyqtyń ózin-ózi jumyspen qamtyǵan, jumyssyz jáne tabysy az toptary, orta bilim berý uıymdarynyń 9, 11-synyptarynyń oqýshylary arasynda bilim berý salasyndaǵy ýákiletti organmen kelisim boıynsha jumyspen qamtý máseleleri jónindegi ortalyq ýákiletti organ ázirlegen ádistemelik usynymdarǵa sáıkes júzege asyrady.»; 44-tarmaq mynadaı mazmundaǵy altynshy bólikpen tolyqtyrylsyn: «Baǵdarlamaǵa qatysýshy men halyqty jumyspen qamtý ortalyǵy arasynda Baǵdarlama operatory bekitken nysandar boıynsha jumysqa ornalastyrýǵa jáne kásiptik baǵdarlaýǵa járdemdesý boıynsha memlekettik qoldaý kórsetý týraly, memlekettik qoldaý sharalaryn kórsetýsiz jumysqa ornalastyrýǵa járdemdesý týraly áleýmettik kelisimsharttar jasalady.»; 48-tarmaq mynadaı redaksııada jazylsyn: «48. Jastar praktıkasyna jiberilgen jeke tulǵalardyń eńbekaqysynyń mólsheri ekologııalyq ústemeaqylar tólemderin esepke almaǵanda, aıyna 18 AEK (salyqtardy, mindetti áleýmettik aýdarymdardy, paıdalanylmaǵan eńbek demalysy úshin ótemaqylardy jáne bank qyzmetterin eskere otyryp) quraıdy.». 2. «Jumyspen qamtýǵa járdemdesýdiń belsendi sharalaryna qatysatyn adamdarǵa kásipkerlikti damytýdy memlekettik qoldaýdy uıymdastyrý jáne qarjylandyrý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 18 shildedegi № 816 qaýlysynda (Qazaqstan Respýblıkasynyń PÚAJ-y, 2011 j., № 47, 640-qujat): kórsetilgen qaýlymen bekitilgen Jumyspen qamtýǵa járdemdesýdiń belsendi sharalaryna qatysatyn adamdarǵa kásipkerlikti damytýǵa memlekettik qoldaýdy uıymdastyrý jáne qarjylandyrý qaǵıdasynda: 28-tarmaq mynadaı mazmundaǵy ekinshi jáne úshinshi bóliktermen tolyqtyrylsyn: «Aqmola, Almaty, Shyǵys Qazaqstan, Pavlodar jáne Qyzylorda oblystarynda (ár óńirde bir tirek aýyldan) pılotty rejımde ázirlengen tirek aýyldardy damytýdyń master-josparlaryn qarjylandyrýǵa arnalǵan qarajat jetkizilgen lımıtterdiń jalpy somasynyń 10 paıyzynan aspaıtyn mólsherde qosymsha josparlanady. Tirek aýyldardy damytýdy qarjylandyrý úshin tıisti qarjy jylyna arnalǵan respýblıkalyq bıýdjet týraly zańmen bólingen qarajatty óńirler arasynda bólý bekitilgen tirek aýyldardy damytýdyń master-josparlarynyń negizinde tıisti respýblıkalyq bıýdjettik baǵdarlama ákimshisiniń ótinimi boıynsha VAK sheshiminiń negizinde júzege asyrylady.». 3. «Jumyspen qamtý 2020 jol kartasyn bekitý týraly» Qazaqstan Respýblıkasy Úkimetiniń 2013 jylǵy 19 maýsymdaǵy № 636 qaýlysynda (Qazaqstan Respýblıkasynyń PÚAJ-y, 2013 j., № 39, 567-qujat): kórsetilgen qaýlymen bekitilgen Jumyspen qamtý-2020 jol kartasynda: 9-tarmaq mynadaı redaksııada jazylsyn: «9. Baǵdarlamany qarjylyq qamtamasyz etý úshin Baǵdarlama operatory memlekettiń qarjy-ekonomıkalyq múmkindikterin eskere otyryp, jyl saıyn 1 aqpanǵa deıin aldaǵy úsh jylǵa arnalǵan qarjylandyrý lımıtterin aıqyndaıdy jáne qarajatty óńirler boıynsha bólý jóninde VAK-qa usynystar engizedi. Qarjylandyrý lımıtteri óńirler arasynda mynadaı tártippen bólinetin bolady: 80 % – halyqtyń sanyna barabar, bul rette Astana jáne Almaty qalalary halqynyń sany statıstıka jónindegi ýákiletti organnyń derekteri boıynsha bólý aldyndaǵy toqsandaǵy jaǵdaı boıynsha Qazaqstan Respýblıkasy halqynyń jalpy sanynda eldiń qala halqynyń úlesi retinde esepteletin túzetý koeffısıentine túzeledi. 20 % – ótken jylǵy jumystyń nátıjelerine baılanysty bólý aldyndaǵy toqsandaǵy jaǵdaı boıynsha. Jumys nátıjeleri retinde Baǵdarlamaǵa qatysýshylardy jumysqa ornalastyrý jáne jumyssyz, ózin-ózi nátıjesiz jumyspen qamtyǵan, tabysy az halyqtyń sanyn qysqartý boıynsha kórsetkishter eskeriledi. Bul rette, aldaǵy úsh jylǵa josparlanǵan qarajattyń 20 %-y shartty esepteý somasy bolyp sanalady, ol ótken jylǵy jumystyń is júzindegi nátıjeleri boıynsha bastalǵan qarjy jylynda qaıta qaralýǵa jatady. Astana jáne Almaty qalalaryn qospaǵanda, jergilikti atqarýshy organdar jetkizilgen lımıttiń jalpy somasynyń: keminde 10 %-yn Baǵdarlamaǵa qatysýshylarǵa mıkrokredıt berýge; 50 %-ynan asyrmaı, ınfraqurylymdyq jobalardy iske asyrýǵa, onyń ishinde ınfraqurylymdyq jobalardy iske asyrýǵa bólingen qarajattyń keminde 70 %-yn aýyldyq jerge jiberedi. Aqmola, Almaty, Shyǵys Qazaqstan, Pavlodar jáne Qyzylorda oblystarynda (ár óńirde bir tirek aýyldan) pılotty rejımde ázirlengen tirek aýyldardy damytýdyń master-josparlary sheńberinde tirek aýyldardy damytýdy qarjylandyrýǵa arnalǵan qarajat jetkizilgen qarjylandyrý lımıtteriniń somasyna kirmeıtin bolady jáne atalǵan qarajattyń (jetkizilgen lımıtterdiń) 10 %-ynan aspaıtyn mólsherde qosymsha josparlanatyn bolady. Investısııalyq jáne ınfraqurylymdyq jobalardy qarjylandyrý jobanyń jalpy qunynyń keminde 10 %-y jergilikti bıýdjet esebinen qosa qarjylandyrylǵan jaǵdaıda júzege asyrylady. Kóppáterli turǵyn úıdi, sondaı-aq jeke, eki (úsh) páterli turǵyn úılerdi salý jáne satyp alý kezinde jumys berýshi turǵyn úıdiń jalpy smetalyq qunynyń keminde 10 %-y mólsherinde qosa qarjylandyrýdy júzege asyrady. Qyzmettik turǵyn úıler men jataqhanalar salýdy jáne (nemese) satyp alýdy qarjylandyrý «Qoljetimdi turǵyn úı – 2020» baǵdarlamasyna sáıkes aıqyndalǵan jalǵa beriletin (kommýnaldyq) turǵyn úıdiń 1 sharshy metri qunynyń mólsherin negizge ala otyryp, respýblıkalyq bıýdjetten júzege asyrylady. «Qoljetimdi turǵyn úı – 2020» baǵdarlamasynda aıqyndalǵan qunnan asatyn shyǵystar jergilikti bıýdjetter qarajaty esebinen qarjylandyrylady. Jergilikti atqarýshy organdar belgilengen lımıtterdi negizge ala otyryp, Baǵdarlamanyń negizgi parametrleri boıynsha kútiletin nátıjelerdi (nysanaly ındıkatorlardy) kórsete otyryp, Baǵdarlamanyń baǵyttary, bıýdjettik zańnamada belgilengen nysandar boıynsha aldaǵy qarjy jylyna arnalǵan bıýdjettik ótinimdi qalyptastyrady jáne tıisti ortalyq memlekettik organdarǵa jyl saıyn 15 sáýirge deıingi merzimde usynady. Tıisti ortalyq memlekettik organdar Baǵdarlamanyń negizgi parametrleri boıynsha kútiletin nátıjelerdi (nysanaly ındıkatorlardy) kórsete otyryp, Baǵdarlama operatoryna bıýdjet zańnamasynda belgilengen nysandar boıynsha bıýdjettik ótinimderdi jyl saıyn 1 mamyrǵa deıingi merzimge usynady. Baǵdarlama operatory jyl saıyn 15 mamyrǵa deıingi merzimde bıýdjettik ótinimderdi bıýdjetti josparlaý jónindegi ortalyq memlekettik organǵa usynady. Oblystyq bıýdjetterge, tómen turǵan bıýdjetterge aǵymdaǵy nysanaly transfertter men nysanaly damý transfertteriniń somalaryn bólýdi qosa alǵanda, Baǵdarlamanyń is-sharalaryn iske asyrýǵa respýblıkalyq bıýdjette tıisti kezeńge kózdelgen qarajatty respýblıkalyq bıýdjettik baǵdarlamalardyń ákimshileri boıynsha bólý Qazaqstan Respýblıkasynyń Úkimeti sheshiminiń negizinde júzege asyrylady. Respýblıkalyq jáne jergilikti bıýdjettik baǵdarlamalar ákimshileri aǵymdaǵy nysanaly transfertter men nysanaly damý transfertterin tómen turǵan bıýdjetterge aýdarýdy bıýdjet zańnamasyna sáıkes júzege asyrady. О́ńirler bólingen jáne (nemese) bólinetin qarajattan bas tartqan, sondaı-aq ınvestısııalyq jáne ınfraqurylymdyq jobalarǵa tıisti qujattamany usynbaǵan jaǵdaıda, Baǵdarlama Operatory respýblıkalyq bıýdjettik baǵdarlamalar ákimshileriniń tıisti qujattama qosa berilgen qosymsha ótinimderiniń negizinde halyqtyń sany boıynsha krıterıılerdi jáne jumys nátıjelerin esepke almaı, VAK-tyń qaraýyna qarajatty qaıta bólý jóninde usynystar engizedi. Respýblıkalyq bıýdjetti naqtylaǵan kezde joǵaryda kórsetilgen rásimder saqtalady, bıýdjettik ótinimderdi usyný merzimin Baǵdarlama operatory belgileıdi. Lımıt boıynsha usynylǵan qarajatty nysanaly paıdalanýdy jáne Baǵdarlamada kózdelgen nátıjelerge (nysanaly ındıkatorlarǵa) qol jetkizýdi qamtamasyz etý úshin respýblıkalyq bıýdjettik baǵdarlamalardyń ákimshileri men jergilikti atqarýshy organdar arasynda mynadaı negizgi parametrler boıynsha nysanaly transfertter jónindegi nátıjeler týraly kelisimder (budan ári – Kelisim) jasalady: 1) jumyssyzdyq deńgeıi; 2) turaqty jumys oryndaryna jumysqa ornalastyrylǵandardyń qatysýshylardyń jalpy sanyndaǵy úles salmaǵy; 3) ózin-ózi jumyspen qamtyǵan halyqtyń jalpy sanyndaǵy nátıjeli jumyspen qamtylǵandardyń úlesin ulǵaıtý; 4) eńbekke qabiletti azamattardyń halyqtyń az qamtylǵan quramyndaǵy úlesin qysqartý; 5) Baǵdarlama baǵyttarynyń árqaısysynda memlekettik qoldaý sharalarymen qamtylǵan Baǵdarlamaǵa qatysýshylardyń úlesi; 6) áleýmettik jumys oryndary men jastar praktıkasyna jumysqa ornalastyrylǵan, onyń ishinde Baǵdarlama sheńberinde kásiptik oqýdan ótken adamdar qatarynan Baǵdarlamaǵa qatysýshylardyń úlesi; 7) ınfraqurylymdyq jobalar boıynsha qurylatyn jumys oryndarynyń (turaqty jáne ýaqytsha) sany jáne ortasha aılyq jalaqynyń mólsheri. Respýblıkalyq menshiktegi obektilerdi kúrdeli jáne aǵymdaǵy jóndeý boıynsha 2013 jyly bastalǵan jobalar jumystar tolyq aıaqtalǵanǵa deıin qarjylandyrylady.»; 12-tarmaqtyń birinshi bóliginiń 1) tarmaqshasy mynadaı redaksııada jazylsyn: «1) oqýdy aıaqtaǵannan keıin bir jyl ishinde jalpy bilim berý mektepteriniń 9, 11-synyptaryn, tehnıkalyq jáne kásiptik, orta bilimnen keıingi, joǵary jáne joǵary bilimnen keıingi bilim berý uıymdaryn bitirýshilerdi jáne oqýshylaryn qosa alǵanda, jıyrma toǵyz jasqa deıingi jastarǵa;»; 48-tarmaq mynadaı mazmundaǵy ekinshi jáne úshinshi bóliktermen tolyqtyrylsyn: «Aqmola, Almaty, Shyǵys Qazaqstan, Pavlodar jáne Qyzylorda oblystarynda (ár óńirde bir tirek aýyldan) pılottyq rejımde ázirlengen tirek aýyldardy damytýdyń master-josparlaryn qarjylandyrýǵa arnalǵan qarajat jetkizilgen lımıtterdiń jalpy somasynyń 10 paıyzynan aspaıtyn mólsherde qosymsha josparlanady. Tirek aýyldardy damytýdy qarjylandyrý úshin tıisti qarjy jylyna arnalǵan respýblıkalyq bıýdjet týraly zańmen bólingen qarajatty óńirler arasynda bólý tirek aýyldardy damytýdyń bekitilgen master-josparlarynyń negizinde tıisti respýblıkalyq bıýdjettik baǵdarlama ákimshisiniń ótinimi boıynsha VAK sheshiminiń negizinde júzege asyrylady.»; 55-tarmaq mynadaı redaksııada jazylsyn: «55. Tirek aýyldy damytý jónindegi usynylatyn sharalar Aqmola, Almaty, Shyǵys Qazaqstan, Pavlodar jáne Qyzylorda oblystarynda (ár óńirde bir tirek aýyldan) pılottyq rejımde synaqtan ótkiziledi.»; 59-tarmaqtyń ekinshi bóligi mynadaı redaksııada jazylsyn: «Jumyspen qamtý máseleleri jónindegi ýákiletti organ kásiptik baǵdarlaýdy halyqtyń ózin-ózi jumyspen qamtyǵan, jumyssyz jáne tabysy az toptary, orta bilim berý uıymdarynyń 9, 11-synyptarynyń oqýshylary arasynda bilim berý salasyndaǵy ýákiletti organmen kelisim boıynsha jumyspen qamtý máseleleri jónindegi ortalyq ýákiletti organ ázirlegen ádistemelik usynymdarǵa sáıkes júzege asyrady.»; 62, 70-tarmaqtar mynadaı redaksııada jazylsyn: «62. Kásiptik baǵdarlaý 2014 jyly Pavlodar, Shyǵys Qazaqstan, Soltústik Qazaqstan jáne Ońtústik Qazaqstan oblystarynda synaqtan ótkiziledi.»; «70. Jastar praktıkasyna qatysýshylardyń jalaqysyn sýbsıdııalaý 6 aıdan asyrmaı júzege asyrylady. Ekologııalyq ústemeaqylar boıynsha tólemderdi esepke almaǵanda, sýbsıdııa mólsheri aıyna 18 aılyq eseptik kórsetkishti (salyqtardy, mindetti áleýmettik aýdarymdardy, paıdalanylmaǵan eńbek demalysy úshin ótemaqylardy jáne bank qyzmetterin eskere otyryp) quraıdy.»; 84-tarmaqtyń 4) tarmaqshasy mynadaı redaksııada jazylsyn: «4) Baǵdarlama sheńberinde keshendi damytý úshin aıqyndalǵan tirek aýyldyq eldi mekenderdiń tizbesin jáne tirek aýyldardy damytýdy qarjylandyrýǵa arnalǵan qarajatty óńirler arasynda bólýdi qaraıdy jáne kelisedi.»; «Jumyspen qamtý-2020 jol kartasyn iske asyrý jónindegi is-sharalar jospary» degen 15-bólimde: rettik nómiri 11-jol alynyp tastalsyn. 4. «Jumyspen qamtý -2020 jol kartasyn iske asyrý máseleleri jónindegi vedomstvoaralyq komıssııa qurý týraly» Qazaqstan Respýblıkasy Úkimetiniń 2013 jylǵy 22 qazandaǵy № 1136 qaýlysynda: kórsetilgen qaýlymen bekitilgen Jumyspen qamtý-2020 jol kartasyn iske asyrý máseleleri jónindegi vedomstvoaralyq komıssııa týraly erejede: 5-tarmaqta: 3) jáne 4) tarmaqshalar mynadaı redaksııada jazylsyn: «3) Baǵdarlama sheńberinde keshendi damytý úshin aıqyndalǵan tirek aýyldyq eldi mekenderdiń tizbesi jáne tirek aýyldardy damytýdy qarjylandyrýǵa arnalǵan qarajatty óńirler arasynda bólý boıynsha usynystardy qaraý; 4) qarjylandyrý lımıtterin kelisý jáne Baǵdarlama baǵyttary jáne óńirler boıynsha qarajat bólý jóninde usynymdar ázirleý;»; mynadaı mazmundaǵy 3-1), 6) tarmaqshalarmen tolyqtyrylsyn: «3-1) respýblıka boıynsha jáne óńirler bólinisinde jumys oryndaryn qurý josparlaryn qaraý;»; «6) basqa óńirlerdiń bólingen jáne (nemese) bólinetin qarajattan bas tartýy, sondaı-aq tıisti qujattamany usynbaýy nátıjesinde qalyptasqan somalardy óńirler arasynda qaıta bólý boıynsha usynymdar ázirleý bolyp tabylady.».