Indýstrıalandyrýdyń ekinshi besjyldyǵy el eksportyn óristetedi

ASTANA. 3 shilde. 2015-2019 jyldarǵa arnalǵan Údemeli ındýstrıaldy-ınnovasııalyq damý memlekettik baǵdarlamasynyń ekinshi besjyldyǵy elimizden syrtqa eksporttalatyn taýar túrlerin 127-den 300-ge deıin  arttyrýǵa múmkindik beredi. Ekonomıka jáne bıýdjettik josparlaý mınıstri Erbolat Dosaev osylaı dedi. Bul týraly primeminister.kz habarlady. Memleket basshysynyń qatysýymen ótken telekópir bastalardyń aldynda E.Dosaev: «Elimizdiń eksporttalatyn taýarlar sanyn eki eseleýge múmkindigi mol», – dedi. Mınıstrdiń aıtýynsha, qazirgi tańda elimiz 127 taýar túrin ǵana eksporttaıdy eken. Al tabys deńgeıi Qazaqstanmen sáıkes keletin Malaızııa men Taıland sekildi elderde eksportqa shyǵatyn taýar túrleri shamamen 800 taýarǵa deıin barady. Erbolat Dosaevtyń sózine qaraǵanda, taýar túrleri men eksport kezindegi qyzmetterdi ártaraptandyrý óte mańyzdy. Joldybaı Bazar. Derekkóz: primeminister.kz. Foto: ortcom.kz.