Japonııa Soltústik Koreıaǵa qatysty sanksııalaryn jumsartady

ASTANA. 3 shilde. Japonııa Soltústik Koreıaǵa qatysty sanksııalaryn jeńildetýi múmkin. Bul týraly ITAR-TASS habarlady. Naqtylaı aıtqanda, Japonııa Soltústik Koreıaǵa óz tarypynan  qoıylǵan vızalyq jáne qarjylaı shekteýlerdiń birazyn alyp tastap, birjaqty sanksııalardy jeńildetýge sheshim qabyldamaq. Sonymen qatar, Japonııa bıligi «gýmanıtarlyq mıssııamen kelgen» soltústikkoreılik kemelerdi óz porttaryna kirgizýge ruqsat bermekshi. Resmı Tokıo bul qadamǵa Phenıannyń 1970-1980 jyldar aralyǵynda KHDR arnaıy qyzmeti urlap áketken japondyqtardyń taǵdyry jóninde qaıtadan tergeý amaldaryn júrgizýge ýáde berýine baılanysty baryp otyrǵan kórinedi. Japonııa Soltústik Koreıaǵa qatysty sanksııalardyń jeńildetilýi jónindegi sheshimin juma kúni mınıstrler kabınetiniń otyrysynda bekitedi dep kútilýde. Aıdar О́risbaev. Derekkóz: Itar-tass.com. Foto: Ap.org.