Kezdesýde Elbasynyń QHR-ǵa bıylǵy qyrkúıektegi jumys sapary barysynda qol jetkizilgen Qazaqstan men Qytaı arasyndaǵy ýaǵdalastyqtardyń iske asyrylý máseleleri talqylandy. Memleket basshysy Qytaıdyń mańyzdy strategııalyq seriktesimiz ekenin atap ótip, eki eldiń qalyptasqan ózara qarym-qatynasyn basqalar úshin úlgi dep sanaıtynyn aıtty.
«О́tken jolǵy Qazaqstanǵa saparyńyzda Siz ekonomıkalyq yntymaqtastyqtyń baǵdarlamasyn usynǵan edińiz. Bul baǵdarlama aıasynda birqatar kelisimderge qol qoıylyp, búginde iske asyryla bastady», — dedi Nursultan Nazarbaev.
Qazaqstan Prezıdenti qyrkúıekte ekijaqty qarym-qatynastyń jáne halyqaralyq kún tártibiniń keń aýqymdy máseleleri talqylanǵanyn eske saldy.
«Sapar barysynda jalpy quny 20 mlrd dollardan asatyn 51 joba boıynsha ýaǵdalastyqqa qol jetkizdik. Iаǵnı, Qytaı Halyq respýblıkasy bizdiń negizgi ınvestorymyz bolyp sanalady», — dedi Nursultan Nazarbaev.
Lı Kesıan Qazaqstanǵa shaqyrǵany úshin Elbasyǵa alǵys aıtyp, onyń sapary elderimiz arasyndaǵy qarym-qatynastyń strategııalyq máni men dostyq sıpatyn kórsetetinin jetkizdi. Qytaı Premer-Mınıstri sondaı-aq QHR tóraǵasy Sı Szınpındi Qazaqstanǵa shaqyrǵany úshin de Nursultan Nazarbaevqa alǵys bildirdi.
«Biz aldaǵy ýaqytta da joǵary deńgeıdegi baılanystarymyzdy jalǵastyrýǵa nıettimiz. О́ıtkeni ol ózara tıimdi yntymaqtastyqty nyǵaıtýǵa múmkindik beredi», — dedi Lı Kesıan.
Eki el arasyndaǵy kelisimderdiń tabysty júzege asýynyń jarqyn mysaly retinde Lı Kesıan avtomobıl qurastyrý jónindegi ındýstrıaldy yntymaqtastyq jobasyn atady. Memleket basshysy osy kásiporynda bolǵan kezde elimizde alǵash ret qurastyrylǵan elektromobıldi ózi júrgizip kórgenin aıtty. Qazaqstan Prezıdenti taraptar qol jetkizgen ýaǵdalastyqtardyń oryndalýy oń qarqyn alyp otyrǵanyna nazar aýdardy. Kezdesý sońynda Nursultan Nazarbaev qabyldanǵan barlyq jobalar sapaly túrde jáne ınnovasııalyq deńgeıde iske asyrylatynyna senim bildirdi.
