• 05 Shilde, 2014

Qurmetti otandastar!

270 ret

kórsetildi

2 mın

oqý úshin

Egemen Qazaqstan

Qazaqstan halqy Assambleıasy sizderdi shyn júrekten súıikti elordamyzdyń týǵan kúni – Astana kúnimen quttyqtaıdy! Elordamyzdyń týǵan kúni – árbirimiz úshin erekshe ystyq jalpyhalyqtyq mereke. Astana Qazaqstan halqynyń rýhanı órleýiniń tiregine, birligi men yntymaǵynyń belgisine, elimizdiń jasampaz jeńisteriniń kórinisine jáne qazaqstandyq armannyń iske asýynyń aıqyn dáleline aınaldy. Astana – azattyq pen táýelsizdiktiń beınesi, eldiń, halyqtyń, qoǵamnyń jańa tarıhynyń bastaýy. Qazaqstan Respýblıkasynyń Prezıdenti – Elbasy N.Á.Nazarbaevtyń tarıhı jáne taǵdyrly sheshimi, aıryqsha saıası erki Eýrazııa kindiginde qarasań kóz toımaıtyn, qaıtalanbas kelbetti, ǵajaıyp qalanyń salynýyna negiz boldy. Búginde Astanamyz – álemdegi eń sulý ári jas bas qalanyń biri. Qonaqjaı qala kóptegen elderden aǵylǵan saıahatshylardy ózine tartýda, az ýaqyt ishinde iri halyqaralyq sharalar men mańyzdy oqıǵalardyń ortalyǵyna aınaldy. EKSPO-2017 búkilálemdik kórmesin ótkizý orny retinde Astana qalasynyń tańdalýy bizdiń elordamyzdyń álemdik qoǵamdastyq tarapynan moıyndalǵanyn aıǵaqtaıdy. Astananyń sáýlet órnekterinde jáne beıbitshiliksúıgish rýhynda Shyǵys pen Batystyń ǵasyrlar boıǵy dástúrleri órilgen, Qazaqstan halqynyń barsha mádenı jáne rýhanı baılyǵy úılesim tapqan. Sondyqtan da, Memleket basshysy jarııalaǵan Qazaqstan halqy Assambleıasynyń 2015 jyly elordada «Astana – beıbitshilik pen kelisim qalasy» degen ataýmen ótpek. Qadirli azamattar! Barshańyzdy osy jarqyn merekemen quttyqtaýymyzdy qabyl alyńyzdar! Astanamyz gúldenip, órkendep óse bersin. Elordamyz halqymyzdyń tutastyǵynyń, yntymaǵynyń, yrysynyń, berekeli tirliginiń, elimizdegi beıbitshilik men kelisimniń, mádenıetaralyq únqatysý men toleranttylyqtyń belgisi bolyp qala bersin! Mereke qutty bolsyn, qadirli qazaqstandyqtar! Qazaqstan halqy Assambleıasy.