Elimizdiń densaýlyq saqtaý salasynda júrek dertin emdeýde ilgerileýshilik bar

ASTANA. 8 shilde. Qazirgi tańda elimiz boıynsha júrek aýrýyna shaldyqqan jandardyń jylyna 20 myńǵa jýyǵyna ota jasaýǵa múmkindik bar. Al osydan 7-8 jyl buryn mundaı operasııalar bir jylda 6-7 myń adamǵa ǵana jasalatyn. Bul týraly «Habar» telearnasy habarlady. Elimizdiń dárigerleri koronarlyq tamyrlardy stentteý operasııasyn sátti júzege asyryp keledi. Bul operasııalar júrek aýrýlarynan bolatyn kisi ólimin azaıtýǵa septigin tıgizýde. Búginde azamattarǵa kardıologııalyq qyzmet kórsetýdiń jańa ádisterin qoldanysqa engizý isi tyńǵylyqty júrgizilýde. Bul baǵytta sheteldik mamandardyń tájirıbesin ıgerýdiń mańyzy zor. Prezıdenttiń is basqarmasy medısınalyq  ortalyǵy ıntervensııalyq kardıologııa bóliminiń meńgerýshisi Danııar Mahanov: «Germanııadan arnaıy shaqyrylǵan kardıologııa salasynyń mamany, professor Verner Haberbosh koronarlyq tamyrlardy stentteý operasııasyn jańa ádispen jasaýǵa bolatynyn  kórsetti. Atalǵan ádistiń arqasynda jińishke tamyrlarda qan uıyp qalatyn jaǵdaı bolmaıdy. Mamandarymyz bul operasııany meńgergen soń naýqastar alys shetelderge shabylmaı-aq, óz elimizde tegin emdele alady, – dedi. Joldybaı Bazar. Derekkóz: «Habar» telearnasy. Foto: today.kz.