Kókshetaýda Qazaqstan-Belarýs ındýstrıaldy-tehnologııalyq parki ashylady

ASTANA. 8 shilde. Kókshetaýda aýylsharýashylyǵy jáne kommýnaldyq tehnıkalardy shyǵaratyn Qazaqstan-Belarýs ındýstrıaldy-tehnologııalyq parki ashylady dep kútilýde. Bul týraly «QazAqparat» habarlady. Aqmola oblysynyń ákimi  S.Kýlagın men Belarýstyń elimizdegi tótenshe jáne ókiletti elshisi A.Nıchkasov arasynda ótken kezdesýde belgili bolǵandaı, atalǵan birlesken joba – «Qazaqstannyń Agro Innovasııalyq Korporasııasy» jaýapkershiligi shekteýli seriktestigi óńirde jańa jumys ornyn ashyp, ónim kólemin arttyrýdy jáne jaqyn shetelderge taýar eksporttaýdy kózdep otyr. Búginde osy baǵytta 6 gektar jer telimi bólinip, jobalyq qujattamalar memlekettik saraptamadan ótkizilýde. Qazirgi tańda qurylys jumystaryn 2014 jyldyń 4-toqsanynda aıaqtaý josparlanyp otyr. Taǵy bir aıta keter jáıt, kezdesý barysynda taraptar mashına qurylysy, aýylsharýashylyǵy, kommýnaldyq tehnıkalar shyǵarý jáne jıhaz jasaý jóninde kelissózder júrgizdi. Joldybaı Bazar. Derekkóz: «QazAqparat». Foto: el.kz.