QR-kitaphana – elorda kúnine arnaldy

Elordanyń tól merekesi – kúlli qazaq­standyqtardyń ortaq meıramy. О́skeleń urpaq otandyq pat­rıotızmniń qaınarynan sýsyndaýy úshin atamekenimizdiń kindik qala­synyń meıramy aıryqsha mańyzdy. Bıyl A.Pýshkın atyndaǵy Shyǵys Qazaqstan oblystyq kitap­hanasy elorda merekesine oraı «Elimniń júregi – Astana» atty aıryqsha baǵdarlama ázirledi. Iаǵnı, Astana kúnine – QR-kitaphana uıym­dastyryldy. Atap aıtqanda, shilde aıynyń alǵashqy onkúndiginde «Astanaǵa degen mahabbatpen!» atty Astana jaıly kitaptar, merzimdi basylymdar, albomdar jáne derekti fılmder kórmesi ótýde. Árıne, atalǵan sharalardyń ishinde sony jańalyq – kitaphana aldyndaǵy alańda táýlik boıy jumys isteıtin QR-kitaphananyń tusaýkeseri deýge bolady. Jańa ınnovasııalyq mádenı-bilimdik jobany oblystyq mádenıet, mu­raǵat jáne qujattama bas­qar­masy usyndy. QR-kitaphananyń bir ereksheligi, sóreden kitap alyp, án tyńdap, beınerolık tamashalaý úshin oqyrman bıleti qajet emes. A.Pýshkın atyndaǵy kitap­hana saıabaǵynda aqysyz Wi-Fi qyzmeti bar. Osy arqyly ǵalamtorǵa enip, planshetińizge arnaıy qosymshany ornatý qajet. Onyń kómegimen jeke QR-kodty oqyp, qajetti aqparatty alýǵa bolady. Kitapty júkteý týraly nusqaý ár sórede berilgen. QR-kitaphana – jaqsy, sapaly ádebıettiń máńgilik qundy­lyqtary men zamanaýı aqparattyq tehnolo­gııalardyń úılesimin taýyp otyr. Oqyrmandarymyzdyń «mobıldi urpaǵy» osy bastamaǵa laıyqty baǵa berip, qalamyzda oqýǵa degen ynta arta túsedi degen úmittemiz. Habıba AQJIGITOVA, A.Pýshkın atyndaǵy Shyǵys Qazaqstan oblystyq kitaphanasynyń dırektory.   О́SKEMEN.