Qazaqstan Respýblıkasynyń keıbir konstıtýsııalyq zańdaryna qylmystyq-prosestik zańnamany
jetildirý máseleleri boıynsha ózgerister engizý týraly
1-bap. Qazaqstan Respýblıkasynyń myna konstıtýsııalyq zańdaryna ózgerister engizilsin: 1. «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstıtýsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 17-18, 114-qujat; Qazaqstan Respýblıkasy Parlamentiniń Jarshysy, 1997 j., № 12, 192-qujat; 1998 j., № 7-8, 71-qujat; № 22, 290-qujat; 1999 j., № 10, 340-qujat; № 15, 593-qujat; 2004 j., № 7, 45-qujat; 2005 j., № 7-8, 17-qujat; 2006 j., № 23, 138-qujat; 2007 j., № 12, 85-qujat; 2009 j., № 2-3, 5-qujat; 2010 j., № 11, 55-qujat; 2011 j., № 3, 30-qujat; 2013 j., № 17, 84-qujat): 47-baptyń 3-tarmaǵy mynadaı redaksııada jazylsyn: «3. Qylmys ústinde ustap alynǵan ne aýyr nemese asa aýyr qylmys jasaǵan jaǵdaılardan basqa kezde, Prezıdenttikke, Parlament depýtattyǵyna kandıdattardy olar tirkelgen kúnnen bastap jáne saılaý qorytyndylary jarııalanǵanǵa deıin, sondaı-aq olar Prezıdent, Parlament depýtaty retinde tirkelgenge deıin Ortalyq saılaý komıssııasynyń kelisiminsiz ustap alýǵa, kúzetpen ustaýǵa, úıqamaqqa alýǵa, kúshtep ákelýge, sot tártibimen qoldanylatyn ákimshilik jazalaý sharalaryn qoldanýǵa, qylmystyq jaýaptylyqqa tartýǵa bolmaıdy.». 2. «Qazaqstan Respýblıkasynyń Parlamenti jáne onyń depýtattarynyń mártebesi týraly» 1995 jylǵy 16 qazandaǵy Qazaqstan Respýblıkasynyń Konstıtýsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 21, 124-qujat; Qazaqstan Respýblıkasy Parlamentiniń Jarshysy, 1997 j., № 7, 78-qujat; 1999 j., № 4, 100-qujat; № 10, 342-qujat; 2006 j., № 23, 137-qujat; 2007 j., № 12, 83-qujat; 2013 j., № 17, 84-qujat): 1) 27-baptyń taqyrybyndaǵy jáne mátinindegi «suraý salý», «saýaldar», «Suraý salý», «suraý salynǵan», «Suraý salýǵa», «salynǵan suraýyna», «saýaldar», «Saýalǵa» degen sózder tıisinshe «saýaldar», «suraqtar», «Saýal», «saýal joldanǵan», «Saýalǵa», «saýalǵa», «suraqtar», «Suraqqa» degen sózdermen aýystyrylyp, 2-tarmaǵy mynadaı redaksııada jazylsyn: «2. Parlament depýtatynyń Premer-Mınıstr men Úkimet múshelerine, Ulttyq Bank Tóraǵasyna, Ortalyq saılaý komıssııasynyń Tóraǵasy men múshelerine, Bas Prokýrorǵa, Ulttyq qaýipsizdik komıtetiniń tóraǵasyna, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy men múshelerine saýal joldaýǵa quqyǵy bar. Bul rette, Bas Prokýrorǵa ne quqyq qorǵaý organdarynyń jáne arnaýly memlekettik organdardyń birinshi basshylaryna joldanǵan saýal qylmystyq qýdalaý fýnksııalaryn júzege asyrýmen baılanysty máselelerge qatysty bola almaıdy. Ulttyq qaýipsizdik komıtetiniń tóraǵasyna joldanǵan saýaldardy qaraý Parlamenttiń nemese onyń palatalarynyń jabyq otyrystarynda júrgiziledi.»; 2) 32-bap mynadaı redaksııada jazylsyn: «32-bap. Depýtatqa eshkimniń tıispeýi 1. Qylmys ústinde ustap alynǵan ne aýyr nemese asa aýyr qylmys jasaǵan jaǵdaılardan basqa kezde, Parlament depýtatyn óz ókilettikteri merzimi ishinde tıisti Palatanyń kelisiminsiz ustap alýǵa, kúzetpen ustaýǵa, úıqamaqqa alýǵa, kúshtep ákelýge, sot tártibimen qoldanylatyn ákimshilik jazalaý sharalaryn qoldanýǵa, qylmystyq jaýaptylyqqa tartýǵa bolmaıdy. 2. Depýtatty qylmystyq jaýaptylyqqa tartýǵa, ustap alýǵa, kúzetpen ustaýǵa, úıqamaqqa alýǵa, kúshtep ákelýge nemese sot tártibimen qoldanylatyn ákimshilik jazalaý sharalaryn qoldanýǵa kelisim alý úshin Bas Prokýror Senatqa ne Májiliske usyný engizedi, muny palatalar tıisti Palatanyń otyrysynda qaraýǵa ázirleý úshin Ortalyq saılaý komıssııasyna jiberedi. Usyný kúdiktiniń is-áreketterin saralaý týraly qaýlymen depýtatty tanystyrýdyń aldynda, ustap alýdyń, ony kúzetpen ustaýǵa, úıqamaqqa alýǵa sanksııa berý týraly ótinishhatpen sotqa júginýdiń, kúshtep ákelýdiń, sondaı-aq ákimshilik quqyq buzýshylyq týraly isti sotqa jiberýdiń aldynda engiziledi. Bas Prokýrordyń usynýy jáne Ortalyq saılaý komıssııasynyń qorytyndysy olar kelip túsken kúnnen bastap eki apta merzimnen keshiktirilmeı qaralady jáne Palata tıisti laýazymdy adamdardan qosymsha aqparat berýdi talap etýge quqyly. Palata ýájdi sheshim qabyldaıdy jáne ony Respýblıkanyń Bas Prokýroryna jáne anyqtaý men aldyn ala tergep-tekserýdi júzege asyratyn memlekettik organynyń basshysyna úsh jumys kúni ishinde jiberedi. Depýtat ózine eshkimniń tıispeýi týraly máseleni Palata qaraǵan kezde qatysýǵa quqyly. 3. Sotqa deıingi tergep-tekserýdiń bastalýyna sebep sotqa deıingi tergep-tekserýlerdiń biryńǵaı tiziliminde tirkelgennen keıin sotqa deıingi tergep-tekserý Bas Prokýrordyń kelisimimen ǵana jalǵastyrylýy múmkin. Parlament depýtaty qylmys ústinde ustap alynǵan ne aýyr nemese asa aýyr qylmys jasaýǵa daıyndalý nemese oqtalý faktisi anyqtalǵan ne ol aýyr nemese asa aýyr qylmys jasaǵan jaǵdaılarda, oǵan qatysty sotqa deıingi tergep-tekserý Bas Prokýrordyń kelisimin alǵanǵa deıin, biraq bir táýlik ishinde ony mindetti túrde habardar ete otyryp, jalǵastyrylýy múmkin. Isti tergep-tekserý barysynda zańdylyqtyń saqtalýyn qadaǵalaýdy Bas Prokýror júzege asyrady. 4. Ortalyq saılaý komıssııasy is boıynsha sheshim qabyldaǵan tıisti sottan Parlament depýtatyn aıyptaý boıynsha isti qaraý nátıjeleri týraly aqparatty suratyp alady jáne oǵan qatysty aıyptaý úkimi zańdy kúshine engen jaǵdaıda, tıisti Palataǵa depýtattyq mandattan aıyrý týraly usyný engizedi.». 3. «Qazaqstan Respýblıkasynyń Konstıtýsııalyq Keńesi týraly» 1995 jylǵy 29 jeltoqsandaǵy Qazaqstan Respýblıkasynyń Konstıtýsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 24, 173-qujat; Qazaqstan Respýblıkasy Parlamentiniń Jarshysy, 2004 j., № 22, 129-qujat; 2008 j., № 10-11, 34-qujat; 2013 j., № 17, 84-qujat): 1) 12-baptyń 1 jáne 2-tarmaqtary mynadaı redaksııada jazylsyn: «1. Qylmys ústinde ustap alynǵan ne aýyr nemese asa aýyr qylmystar jasaǵan jaǵdaılardan basqa kezde, Konstıtýsııalyq Keńestiń Tóraǵasy men múshelerin óz ókilettikteri merzimi ishinde Parlamenttiń kelisiminsiz ustap alýǵa, kúzetpen ustaýǵa, úıqamaqqa alýǵa, kúshtep ákelýge, sot tártibimen qoldanylatyn ákimshilik jazalaý sharalaryn qoldanýǵa, qylmystyq jaýaptylyqqa tartýǵa bolmaıdy. 2. Sotqa deıingi tergep-tekserýdiń bastalýyna sebep sotqa deıingi tergep-tekserýlerdiń biryńǵaı tiziliminde tirkelgennen keıin Konstıtýsııalyq Keńestiń Tóraǵasyna nemese múshesine qatysty sotqa deıingi tergep-tekserý Bas Prokýrordyń kelisimimen ǵana jalǵastyrylýy múmkin, ol Konstıtýsııalyq Keńestiń Tóraǵasyn nemese múshesin qylmystyq jaýaptylyqqa tartýǵa kelisim berý týraly usynýdy Parlamentke engizedi. Konstıtýsııalyq Keńestiń Tóraǵasy nemese músheleri qylmys ústinde ustap alynǵan ne aýyr nemese asa aýyr qylmys jasaýǵa daıyndalý nemese oqtalý faktisi anyqtalǵan ne olar aýyr nemese asa aýyr qylmys jasaǵan jaǵdaılarda, olarǵa qatysty sotqa deıingi tergep-tekserý Bas Prokýrordyń kelisimin alǵanǵa deıin, biraq bir táýlik ishinde ony mindetti túrde habardar ete otyryp, jalǵastyrylýy múmkin. Isti tergep-tekserý barysynda zańdylyqtyń saqtalýyn qadaǵalaýdy Bas Prokýror júzege asyrady.»; 2) 14-baptyń 2-tarmaǵy mynadaı redaksııada jazylsyn: «2. Konstıtýsııalyq Keńes Tóraǵasynyń nemese múshesiniń ókilettikteri, eger zańda belgilengen tártippen ony ustap alýǵa, kúzetpen ustaýǵa, úıqamaqqa alýǵa, kúshtep ákelýge, ákimshilik nemese qylmystyq jaýaptylyqqa tartýǵa, sotta medısınalyq sıpattaǵy májbúrleý sharalaryn qoldaný, áreketke qabiletsiz nemese áreket qabileti shekteýli dep taný týraly tıisti ótinishhatty qozǵaýǵa kelisim berilgen jaǵdaıda da toqtatyla turýy múmkin.». 4. «Qazaqstan Respýblıkasynyń Tuńǵysh Prezıdenti – Elbasy týraly» 2000 jylǵy 20 shildedegi Qazaqstan Respýblıkasynyń Konstıtýsııalyq zańyna (Qazaqstan Respýblıkasy Parlamentiniń Jarshysy, 2000 j., № 10, 232-qujat; 2010 j., № 11, 55-qujat; 2012 j., № 1, 2-qujat; 2013 j., № 14, 72-qujat): 1) 3-bap mynadaı redaksııada jazylsyn: «3-bap. Qazaqstan Respýblıkasynyń Tuńǵysh Prezıdentine – Elbasyna eshkimniń tıispeýi Qazaqstan Respýblıkasynyń Tuńǵysh Prezıdentine – Elbasyna eshkimniń tıisýine bolmaıdy. Ol ózi Qazaqstan Respýblıkasy Prezıdentiniń ókilettikterin oryndaý kezeńinde jasaǵan, al bular toqtatylǵannan keıin Qazaqstan Respýblıkasynyń Tuńǵysh Prezıdenti – Elbasy degen óz mártebesin júzege asyrýǵa baılanysty áreketteri úshin jaýaptylyqqa tartylmaıdy. Ony ustap alýǵa, qamaqqa alýǵa jáne kúzetpen ustaýǵa, tintýge, odan jaýap alýǵa ne jeke basyn jete tekserýge bolmaıdy. Tıispeýshilik Qazaqstan Respýblıkasynyń Tuńǵysh Prezıdentine – Elbasyna jáne onymen birge turatyn otbasy múshelerine jeke menshik quqyǵymen tıesili barlyq múlikke, sondaı-aq olar paıdalanatyn turǵyn jáne qyzmettik úı-jaılarǵa, qyzmettik kólikke, baılanys quraldaryna, jazysqan hattaryna, olarǵa tıesili qujattarǵa qoldanylady. Tıispeýshilik Qazaqstan Respýblıkasy Tuńǵysh Prezıdentiniń – Elbasynyń qoryna tıesili múlikke de qoldanylady. Qazaqstan Respýblıkasynyń Tuńǵysh Prezıdentine – Elbasyna jáne onymen birge turatyn otbasy múshelerine jeke menshik quqyǵymen tıesili múlikke, sondaı-aq onyń qorynyń múlkine qandaı da bir shekteýler qoıylmaıdy. Qazaqstan Respýblıkasy Tuńǵysh Prezıdentiniń – Elbasynyń jáne onymen birge turatyn otbasy músheleriniń banktik shottarynyń banktik qupııalyǵyna jáne olarǵa tıispeýshilikke kepildik beriledi.»; 2) 6-baptyń birinshi bóligi mynadaı redaksııada jazylsyn: «Qazaqstan Respýblıkasynyń Tuńǵysh Prezıdentin – Elbasyn kúzetý Qazaqstan Respýblıkasy Memlekettik kúzet qyzmetine júkteledi.». 5. «Qazaqstan Respýblıkasynyń sot júıesi men sýdıalarynyń mártebesi týraly» 2000 jylǵy 25 jeltoqsandaǵy Qazaqstan Respýblıkasynyń Konstıtýsııalyq zańyna (Qazaqstan Respýblıkasy Parlamentiniń Jarshysy, 2000 j., № 23, 410-qujat; 2006 j., № 23, 136-qujat; 2008 j., № 20, 77-qujat; 2010 j., № 24, 147-qujat; 2012 j., № 5, 38-qujat): 27-baptyń 1 jáne 2-tarmaqtary mynadaı redaksııada jazylsyn: «1. Qylmys ústinde ustap alynǵan ne aýyr nemese asa aýyr qylmys jasaǵan jaǵdaılardan basqa kezde, sýdıany Joǵary Sot Keńesiniń qorytyndysyna negizdelgen Qazaqstan Respýblıkasy Prezıdentiniń kelisiminsiz, al Konstıtýsııanyń 55-babynyń 3) tarmaqshasynda kózdelgen jaǵdaıda Qazaqstan Respýblıkasy Parlamenti Senatynyń kelisiminsiz ustap alýǵa, kúzetpen ustaýǵa, úıqamaqqa alýǵa, kúshtep ákelýge, sot tártibimen qoldanylatyn ákimshilik jazalaý sharalaryn qoldanýǵa, qylmystyq jaýaptylyqqa tartýǵa bolmaıdy. 2. Sotqa deıingi tergep-tekserýdiń bastalýyna sebep sotqa deıingi tergep-tekserýlerdiń biryńǵaı tiziliminde tirkelgennen keıin sotqa deıingi tergep-tekserý Qazaqstan Respýblıkasy Bas Prokýrorynyń kelisimimen ǵana jalǵastyrylýy múmkin. Sýdıa qylmys ústinde ustap alynǵan ne aýyr nemese asa aýyr qylmys jasaýǵa daıyndalý nemese oqtalý faktisi anyqtalǵan ne ol aýyr nemese asa aýyr qylmys jasaǵan jaǵdaılarda, oǵan qatysty sotqa deıingi tergep-tekserý Qazaqstan Respýblıkasy Bas Prokýrorynyń kelisimin alǵanǵa deıin, biraq bir táýlik ishinde ony mindetti túrde habardar ete otyryp, jalǵastyrylýy múmkin. Sýdıaǵa qatysty arnaýly jedel-izdestirý is-sharalary men jasyryn tergeý áreketteri Qazaqstan Respýblıkasynyń zańnamalyq aktilerinde kózdelgen tártippen prokýrordyń sanksııasymen júrgizilýi múmkin.». 2-bap. Osy Konstıtýsııalyq zań 2015 jylǵy 1 qańtardan bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 4 shilde № 232-V QRZ
