Elordadaǵy ekotaksı avtoparki kólik sanyn 500-ge jetkizýdi kózdep otyr

ASTANA. 10 shilde. Astanadaǵy ekotaksı avtoparki EXPO-2017 kórmesi ótetin ýaqyt jaqyndaǵanda kólik sanyn 500-ge jetkizýdi josparlaýda. Bul týraly BusinessNews.kz habarlady. Astana ákimi Imanǵalı Tasmaǵambetovke qazirdiń ózinde jańa 70 ekologııalyq kólik kórsetildi. Bul avtomobılderdi Qostanaıdaǵy AllurGroup kompanııasy shyǵarǵan. Naqtylaı aıtqanda, «Ekotaksı» jobasy sheńberinde alǵash ret Peugeot Partner markaly otandyq óndiriste shyǵarylǵan kólikter usynylyp otyr. Bular WI-FI-men, planshettermen jáne aqshany aýdarý arqyly tóleý júıelerimen jaraqtandyrylǵan. Peugeot suıytylǵan gaz, propan-býtan (LPG) qospasy negizinde jumys isteıdi. Qazirgi ýaqytta qalada 200 ekologııalyq kólik qyzmet kórsetýde. Olar negizinen qostanaılyq «Agromash Holdıng» zaýytynda shyǵarylǵan SsangYong Kyron markaly kólikter. Jalpy, «Ekotaksı» ınvestısııalyq jobasy 2013 jyldyń jeltoqsanynda iske qosylǵan bolatyn. Joldybaı Bazar. Derekkóz: BusinessNews.kz. Foto: BusinessNews.kz.