Selfı-konkýrstyń júldegerleri anyqtaldy

«Egemen Qazaqstan» gazeti ústimizdegi jylǵy maýsym-shilde aılarynyń toǵysqan tustarynda Astana kúnine oraı facebook áleýmettik jelisin qoldanýshylar arasynda «Astana jáne men» atty selfie-konkýrs ótkizgen bolatyn. Keshe sol báıgeniń qorytyndysy shyqty. Endi bul konkýrstyń maz­muny­­na az-kem anyqtama bere keteıik.­ Aǵyl­shyn tilinde self «ózim, ózi» de­gen uǵymdy bildiredi. Ol qazirgi tań­­da jas­tar arasynda keńinen ta­ra­ǵan ózin ózi sýretke túsirý ádi­si ın­ternette, sonyń ishinde áleý­­met­tik jelilerdi turaqty túr­de qol­danatyndar arasynda trendke aınalyp otyr desek te bola­dy. Re­daksııa, mine, osy top ara­syn­da sa­ıys uıymdastyrýdy jón sanady. Konkýrstyń sharty boıyn­sha oǵan qatysýshylar Astana­nyń búgingi kelbetin kórsetetin ny­san­dar aıasynda túsken sýret­terin joldaýǵa tıis bolatyn. Osyǵan oraı, saıysqa qatysýshylar Astana aıasynda túsken sýretterin facebook-tegi  photo.egemen.kz  saıtyna jiberdi. Kelip túsken sýretterdiń árqaısysy moderasııadan ótkennen keıin saıt betine ornalastyryldy. Osylaısha, konkýrsqa kelip túsken 71 sýret­tiń ishinen irikteý jasalyp, jeńim­pazdar anyqtaldy. «Egemen Qazaqstan» gazeti uıym­­dastyrǵan «Astana já­ne men» taqyrybyndaǵy selfie-kon­kýrstyń qorytyndysy bo­ıyn­sha birinshi oryndy Elvıra Er­ǵa­lına jeńip aldy. Ekinshi oryn Aınur Raqyshevaǵa buıyrsa, Áı­gerim Bóribaeva úshinshi oryndy ıelendi. Keshe «Egemen Qazaqstan» gazetiniń redaksııasynda konkýrs júldegerlerine syılyqtar tap­syrý rásimi boldy. Ony basy­lym basshysy Saýytbek Abdrah­manov júrgizdi. Aıdar О́RISBAEV, «Egemen Qazaqstan». Sýretti túsirgen Erlan Omarov.