Bas uıymdaǵy tolǵanystar

Senat Tóraǵasy Qasym-Jomart Toqaevtyń álemdik dıplomatııa týraly kitaby jaryq kóredi Kórnekti dıplomat jáne saıa­satker, Qazaqstan Parlamenti Senatynyń Tóraǵasy Qasym-Jomart Toqaevtyń «Reflections at the United Nations» jańa kitaby shildeniń aıaǵynda jaryq kóredi. Ony «BUU-daǵy tolǵanystar» dep aýdarýǵa bolar edi. Kitapqa Q.Toqaevtyń 2011 jylǵy sáýir men 2013 jylǵy qazan araly­­­ǵyndaǵy kezeńde BUU Bas hatshysy­­nyń orynbasary, BUU Jeneva bóliminiń Bas dırektory, BUU Bas hatshysynyń Jeke ýákili jáne Qarýsyzdaný jónindegi konferensııanyń Bas hatshysy bolǵan kezdegi aǵylshyn, fransýz, orys jáne qytaı tilderinde sóılegen sózderi men málimdemeleri endi. Kitapta onyń sol kezeńde jarııalanǵan maqalalary da bar. Q.Toqaev – BUU jelisi boıynsha barlyq sharalardyń 70 paıyzyna jýyǵy ótetin, jahandyq konferensııalyq ortalyq bolyp tabylatyn BUU-nyń Jenevadaǵy bólimin basqarǵan Azııanyń alǵashqy ókili. Ol ózin tıimdi basqarýshy retinde kórsetti. BUU Bas hatshysy Pan Gı Mýn men halyqaralyq uıymdardyń basshylary Jeneva onyń kezinde halyqaralyq dıplomatııadaǵy dúnıejúzilik ortalyq retinde óziniń rólin kúsheıte tústi dep sanaıdy. Q.Toqaevtyń kólemdi (800 betten astam) eńbegi dıplomattar, halyq­aralyq uıymdardyń qyz­met­kerleri men jas mamandarǵa zor yqylas týǵyzady. «Egemen-aqparat».