Aqparattar aǵyny

● Qazaqstanda bıylǵy 5 aı­da eksportqa 765,4 myń tonna un shyǵa­­­ryldy. Bul – Ke­den odaǵy elderin esepke alma­ǵan­daǵy kórsetkish. Munyń ózi ótken jyldyń osy kezeńimen salys­tyrǵanda, mólsherdiń 25,1 paı­yzǵa óskenin kórsetedi. Al baǵa jaǵynan 11,3 paıyzǵa artyq. ● Almaty oblysynda qa­raýsyz qalǵan gıdroelek­tr stansalary qalpyna kelti­ri­lýde. Mu­nyń jaıyn sóz etken Parlament Májilisiniń depýtaty Serik Úmbetov Jetisý ózenderi boıynda 2020 jylǵa deıin taǵy 40 shaǵyn stansa salynatynyn jetkizdi. Aımaqta jyl saıyn 560 megavatt qýat kózi paıdalanylsa, onyń 416 megavaty onyń ózinde óndiriledi. ● Shymkentte keshe shyny buıymdaryn shyǵaratyn zaý­yt qatarǵa qosyldy. «Evro Krıs­tall» JShS-nyń enshisindegi quny 2,3 mlrd. teńgelik joba In­dýs­trııalandyrý kartasy sheń­berinde júzege asty. Kásiporyn jylyna 70 mln. dana shyny ydystar shyǵara alady. ● Shyǵys Qazaqstanda salyq jınaý jumystary kúsheıtile túsedi. Oblys ákimi Berdibek Saparbaev salyq departamentiniń jıynynda sóılegen sózinde tıisti mamandarǵa osy jumysqa qatysty naqtyly tapsyrmalar berdi. ● Qyzylorda qalasynda «Dıplommen – aýylǵa!» baǵdar­lamasyna 25 maman tartyldy. Bul týraly áńgimelegen qala ákimi Nurlybek Nálibaev  olar­dyń báriniń kótermeaqy al­ǵandaryn, taǵy 6 mamanǵa turǵyn úı berilgenin málimdedi. Jalpy, qalada sońǵy 4 jylda 110 mamanǵa  bir jolǵy kóterme járdemaqy men turǵyn úı satyp alý úshin 80 mln. 845 myń teńge qarjy berilgen. ● Atyraýda munaı kompa­nııa­syna 2,3 mlrd. teńge aıyppul salyndy. Ob­lystyq pro­ký­ratýranyń aralasýymen júzege asqan bul shara «Embi­Mu­naıGaz» kásipornynyń aımaq ekologııa­syna keltirgen zalaly úshin qoldanylyp otyr. «Oblystyq prokýratýranyń usynysy boıynsha 1 mlrd. 900 mln. teńge aıyp­pul salyndy. Buǵan qosa, 512 mln. teńge salyq tólemi óndirildi», – dedi prokýratýra ókili Aslan Quraǵalıev osyǵan oraı. Habarlar «QazAqparat», 24KZ, Egemen.kz agenttikteri men oblystyq ákimdikter saıt­tarynyń derekteri boıynsha daıyndaldy.