Shalqar kóliniń sýy nege las?

Siz ne deısiz? Qazirgi kezde demalys kúnderi oblys aýmaǵyndaǵy Shalqar kóline demalýǵa, shomylýǵa baratyndardyń sanynda esep joq. Al demalý­shylar sońǵy jeksen­­­­­­bide kól jaǵasyna kelgen kezde kútpegen tosyn quby­lysqa tap boldy. Jaǵa­daǵy sý qap-qara bolyp laılan­ǵan. Qoıýlanǵan. Ony odan ári keship, alǵa qaraı júr­gende shomylýshylar aǵash úgin­dilerine uqsas ýaq qaldyq­tar­dy kórdi. Bul nendeı quby­lys? Muny nege jorıtynyn bilmeı, bári de ań-tań boldy. «Egemen Qazaqstan» gazetiniń Batys Qazaqstan oblysy boıynsha menshikti tilshisi Temir Qusaıyn Batys Qazaqstan oblysy boıynsha ekologııa departamenti basshysy orynbasarynyń mindetin atqarýshy  Syrym Tilegenovke: – Siz buǵan ne deısiz? – Bizdiń departamenttiń zerthanalyq taldaý bóliminiń mamandary kól sýy quramynyń synamasyn aldy. Sol kezde munda fenol, taǵy da basqa zııandy ólsheýish zattardyń shekten tys kóbeıip ketkeni anyqtaldy. Bul – baldyrlar men sýdaǵy ózge de ósimdikterdiń shirýinen paıda bolatyn qubylys. Buǵan áser etetin faktor – kúnniń ysyp ketýi. Sóıtip, kól sheti men onyń irgesindegi qamys pen qoǵanyń túgi men mamyǵy ushyp, biraz mólsherde sý beti men aıdynyna taralyp ketken. Árıne, muny bakterıologııalyq qubylys dep qarastyrýǵa bolmaıdy. Negizinen, bul – tabıǵı jaıt. Shalqar kólinde oryn alǵan mundaı ózgeristi munaı qaldyqtarynyń túsýimen baılanystyryp júrgen turǵyndar da bar eken. Alynǵan sý synamasy quramynda mundaı derekter anyqtalǵan joq. Bul saýalǵa Ba­tys Qazaq­stan oblysy tu­­­tynýshylar quqy­ǵyn qorǵaý jónindegi departa­ment basshysy Serik­baı Iman­qul bylaısha jaýap qaıtardy: – Biz Shalqar kóli aıdynynda paıda bolǵan teris ózgeriske baılanysty oǵan arnaıy brıgada jibergen edik. Onyń quramynda mıkrobıolog, bakterıolog jáne saraptama bóliminiń mamandary boldy. Júrgizilgen tekserýler men zertteýler sý quramynda adam aǵzasyna tikeleı qaýip tóndiretin faktorlardyń joq ekenin anyqtady. Sál ıis te, sý quramyndaǵy otteginiń belgili bir mólsherde azaıýy da baıqalady. Osy sátti paıdalana otyryp, oblys turǵyndaryna ázirge sýǵa shomylýdy toqtata turýǵa keńes beremiz. Batys Qazaqstan oblysy.