Árbir kompanııanyń jamaǵat aldynda áleýmettik jaýapkershiligi bar bolsa da, osy saýapty iske shynaıy yqylasymen berilgen, qaıyrymdylyq jasaýdy bylaısha da paryz dep biletin isker orta bar. Sondaı iri bastamanyń birin Beeline Business qolǵa alyp otyr.
Kóshbasshylar qataryndaǵy uıaly baılanys operatory osy aptada «Sheksiz múmkindikter» atty aýqymdy respýblıkalyq iri qaıyrymdylyq jobasy aıasynda balalar úılerin, mektep-ınternattardy, múgedekter úılerin ınternetke tegin jalǵaýdy bastap ta jiberdi.
Bul joba Almaty qalasyndaǵy Múgedek balalardyń ata-analary qaýymdastyǵynyń qabyrǵasynda bastaý alyp, onyń kompıýterlik synyby – jyldam ınternetke tegin qosylǵan alǵashqy nysan boldy.
– Qazirgideı aqparattyq tehnologııalar zamanynda ǵalamtorǵa qol jetkizýdiń qandaı mańyzdy ekendigin árbir adam biledi. Ásirese, ınternattar men balalar úılerine osy múmkindikti týǵyzyp, quqyqtaryna qol jetkizý isine qýana kómektesemiz. Osy bastama aıasynda ınternetti is júzinde qajet etetin adamdarǵa ınternet qoljetimdi bolady. Aldaǵy 2-3 jyl ishinde áleýmettik nysandardy ınternetke jalǵaýdy jalǵastyra beremiz, – deıdi «2 Day Telecom» JShS-niń bas dırektory Tuńǵyshbek Battalhanov.
Tuńǵyshbek Battalhanovtyń aıtýynsha, bul joba birneshe kezeńge bólinedi. Aldymen ınternetke asa muqtaj nysandar qosylady. 2Day Telecom (Beeline) atalmysh mekemelerdi ınternetpen tegin qamtamasyz etip qoımaı, óńirlerdegi keńseleri arqyly osy mekemelerdi qamqorlyqqa alyp, bul iske erikti túrde kómekteskisi keletin qaıyrymdy jandardyń jumysyn jandandyrmaq.
Eń bastysy, úshinshi kezeńde e-learning formatyndaǵy jumystar atqarylmaq. Iаǵnı, balalar úıleri men mektep-ınternattar ǵalamtor arqyly bilim kontentine qosylady. Interneti bar bala qaı jerde otyrsa da qalaǵan bilimin alyp, kýrstarǵa qatysyp, shet tilderin meńgere alady. Zamanaýı bilim alýda e-learning róli qandaı ekenin qazirgi jastar jaqsy biledi. Buryn osy format arqyly bilim alý 2 paıyz bolsa, qazir ol 10 paıyzǵa jetip qaldy. Arzan, ári tıimdi.
Balalardyń mańyzdy bir máselesin sheship bergen bastama kezinde «ARDI» qoǵamdyq birlestiginiń tóraǵasy, Almaty qalasy ákimdiginiń Múgedekter quqyǵy jónindegi Úılestirý keńesiniń múshesi Ásııa Ahtanova: «Balalarymyzdyń basym kópshiligi úshin keıde ınternet – álemge jol ashatyn jalǵyz tereze bolyp tabylatyndyǵy, álemdi tanyp- bilý jáne tildesý quraly bolyp tabylatyndyǵy qupııa emes. Sonymen qatar, ınternettiń jáne ǵylym jetistikteriniń arqasynda ortalyqta saýyqtyrýdyń jańa tehnologııalary paıda bolady», deıdi.
Sonymen, aldaǵy birneshe jylda «Sheksiz múmkindikter» uzaq merzimdi jobasynyń sheńberinde Qazaqstannyń barlyq qalalaryndaǵy áleýmettik nysandardy tegin symdy ınternetke qosý aıaqtalady. Ǵalamtorǵa tegin jalǵanatyn mekemeler tiziminde – balalar úıleri, oblystyq mektep-ınternattar, múmkindigi shekteýli adamdardy beıimdeý ortalyqtary bar. 2014 jyldyń aıaǵyna deıin Qazaqstannyń 6 qalasyndaǵy 8 nysan qosylatyn bolady.
Aınash ESALI,
«Egemen Qazaqstan».
ALMATY.
Kóshbasshylar qataryndaǵy uıaly baılanys operatory osy aptada «Sheksiz múmkindikter» atty aýqymdy respýblıkalyq iri qaıyrymdylyq jobasy aıasynda balalar úılerin, mektep-ınternattardy, múgedekter úılerin ınternetke tegin jalǵaýdy bastap ta jiberdi.
Bul joba Almaty qalasyndaǵy Múgedek balalardyń ata-analary qaýymdastyǵynyń qabyrǵasynda bastaý alyp, onyń kompıýterlik synyby – jyldam ınternetke tegin qosylǵan alǵashqy nysan boldy.
– Qazirgideı aqparattyq tehnologııalar zamanynda ǵalamtorǵa qol jetkizýdiń qandaı mańyzdy ekendigin árbir adam biledi. Ásirese, ınternattar men balalar úılerine osy múmkindikti týǵyzyp, quqyqtaryna qol jetkizý isine qýana kómektesemiz. Osy bastama aıasynda ınternetti is júzinde qajet etetin adamdarǵa ınternet qoljetimdi bolady. Aldaǵy 2-3 jyl ishinde áleýmettik nysandardy ınternetke jalǵaýdy jalǵastyra beremiz, – deıdi «2 Day Telecom» JShS-niń bas dırektory Tuńǵyshbek Battalhanov.
Tuńǵyshbek Battalhanovtyń aıtýynsha, bul joba birneshe kezeńge bólinedi. Aldymen ınternetke asa muqtaj nysandar qosylady. 2Day Telecom (Beeline) atalmysh mekemelerdi ınternetpen tegin qamtamasyz etip qoımaı, óńirlerdegi keńseleri arqyly osy mekemelerdi qamqorlyqqa alyp, bul iske erikti túrde kómekteskisi keletin qaıyrymdy jandardyń jumysyn jandandyrmaq.
Eń bastysy, úshinshi kezeńde e-learning formatyndaǵy jumystar atqarylmaq. Iаǵnı, balalar úıleri men mektep-ınternattar ǵalamtor arqyly bilim kontentine qosylady. Interneti bar bala qaı jerde otyrsa da qalaǵan bilimin alyp, kýrstarǵa qatysyp, shet tilderin meńgere alady. Zamanaýı bilim alýda e-learning róli qandaı ekenin qazirgi jastar jaqsy biledi. Buryn osy format arqyly bilim alý 2 paıyz bolsa, qazir ol 10 paıyzǵa jetip qaldy. Arzan, ári tıimdi.
Balalardyń mańyzdy bir máselesin sheship bergen bastama kezinde «ARDI» qoǵamdyq birlestiginiń tóraǵasy, Almaty qalasy ákimdiginiń Múgedekter quqyǵy jónindegi Úılestirý keńesiniń múshesi Ásııa Ahtanova: «Balalarymyzdyń basym kópshiligi úshin keıde ınternet – álemge jol ashatyn jalǵyz tereze bolyp tabylatyndyǵy, álemdi tanyp- bilý jáne tildesý quraly bolyp tabylatyndyǵy qupııa emes. Sonymen qatar, ınternettiń jáne ǵylym jetistikteriniń arqasynda ortalyqta saýyqtyrýdyń jańa tehnologııalary paıda bolady», deıdi.
Sonymen, aldaǵy birneshe jylda «Sheksiz múmkindikter» uzaq merzimdi jobasynyń sheńberinde Qazaqstannyń barlyq qalalaryndaǵy áleýmettik nysandardy tegin symdy ınternetke qosý aıaqtalady. Ǵalamtorǵa tegin jalǵanatyn mekemeler tiziminde – balalar úıleri, oblystyq mektep-ınternattar, múmkindigi shekteýli adamdardy beıimdeý ortalyqtary bar. 2014 jyldyń aıaǵyna deıin Qazaqstannyń 6 qalasyndaǵy 8 nysan qosylatyn bolady.
Aınash ESALI,
«Egemen Qazaqstan».
ALMATY.
