Qyzmet órisi keńeıýde

Oblys aýmaǵyndaǵy úsh ulttyq park pen IýNESKO-nyń Tabıǵat murasy tizimine engizilgen biregeı Qorǵaljyn memlekettik ornıtologııalyq qoryǵy týrıster úshin ólkemizdiń atyn áıgilep tur. 2013 jyly olardyń sany 1 mıllıonǵa jýyq adamdy qurady, bul 2011 jylmen salystyrǵanda 36 paıyzǵa joǵary bolyp otyr. Týrıstik qyzmet kólemi 1,5 esege artyp, 2 mıllıard 300 mıllıon teńgege jetti. Búgingi tańda oblysymyzda týrızmniń barlyq túri boıynsha qyzmet kórsetiledi. Týrızm qyz­metin negizinen týrıstik mekemeler usynýda. Olardyń qatarynda shıpajaı-saýyqtyrý mekemeleri, ulttyq parkter, týrıstik fırmalar bar. Búgingi kúni oblysta shaǵyn jáne orta kásipkerlik nysanyna ja­ta­tyn 739 kásiporyn týrızm sala­synda jumys isteıdi. Mu­nyń ózi aımaǵymyzda týrızm sala­sy­nyń joǵary deńgeıde, jan-jaq­ty damyp kele jatqandyǵyn aıǵaqtaıdy. Qazaqstan Respýblıkasynyń Prezıdenti Nursultan Nazar­baev el halqyna arnaǵan «Qazaq­stan-2050» Strategııasy – qalyp­tas­qan memlekettiń jańa saıası baǵyty» atty Joldaýynda memle­ke­ti­mizdiń uzaq merzimdi damý baǵ­da­ryn aıqyndap berdi. Bul tarıhı qu­jatta, ásirese, týrızm salasyn da­­my­­týdyń mańyzyn, odan el eko­no­mı­­­kasyna qomaqty qarjy túsirip, ta­­bys tabýǵa bolatyny jóninde aıt­­­qan bolatyn. О́ıtkeni, týrızm bú­­­ginde serpindi damyp kele jat­­­qan sa­lalardyń biri bolyp tabylady. Shýche-Býrabaı kýrortty aıma­ǵynyń qurylýy óńirdegi týrızm salasyn damytýǵa aıtarlyqtaı serpin berdi. Búginderi bul baǵ­darlama tikeleı Úkimet basshy­synyń jiti nazaryna alynyp, arnaıy ekonomıkalyq aımaqta týrıstik klasterdi damytý úshin 2012-2013 jyldar aralyǵynda respýblıkalyq bıýdjet esebinen 17 mıllıard teńgeden astam qar­jy bólindi. Qazirgi ýaqytta bul qarjyǵa avtokólik joldaryn jón­deý, jańartý jumystary júr­gizi­lýde, ınjenerlik kommýnı­ka­sııa­lar jańartylyp, ekologııa­lyq problemalar sheshimin tabýda. Son­daı-aq, munda qazirgi zamanǵa saı týrıstik keshender boı kóterip, de­malýshylar ıgiligine qyzmet ja­saý­da. Ásirese, solardyń ara­syn­­da Indýstrııa jáne jańa teh­­­nologııalar mınıstrliginiń tap­­­syrmasymen qolǵa alynǵan bes jul­dyzdy «Burabay Lakes Resort Hotel» týrıstik qonaq úı ke­sheni, «Oqjetpes» shıpajaıy, «Kók­shetaý» park oteli jáne «Qa­zaq­stan Laplandııasy» sııaqty tý­rıstik nysandar búgingi kúni eli­mizdegi demalý ındýstrııasynyń kósh­basshysy retinde tanymal bolýda. Týrısterge jaǵdaı týǵyzý úshin Kókshetaý qalasyndaǵy áýe­jaıdy jańartý jumystary aıaqtal­dy, ıaǵnı áýejaı termınaly saǵa­tyna 200 jolaýshyny qabyldaý múm­kindigine ıe. Áýejaı jańa zaman­ǵy áýe reısterin qabyldaýǵa jáne jolaýshylarǵa halyqaralyq stan­dartqa saı qyzmet kórsetýge múm­k­in­dik aldy. Munyń ózi kýrort­ty aımaqtyń áleýetin arttyrýǵa jáne týrısterdi tartýǵa oń yqpal etetin bolady. Jalpy, kýrortty aımaqta týrıstik klasterdi damytý­dyń baǵdarlary jan-jaqty qaras­tyrylǵan. Máselen, qazir barlyq demalys oryndarynyń 50 paıyzǵa jýyǵy qysqy demalys sharalaryn uıymdastyrǵan. Sondyq­tan, dema­­lys oryndarynyń qysy-jazy tolyq júktememen jumys isteýlerin qamtamasyz etý eń basty másele bolyp otyr. Bul baǵytta jańa baǵdarlama sheńberinde kóptegen sharalar josparlanǵan. Aqmola oblysynda Býrabaıdan da basqa tabıǵaty kórkem óńirler az emes. Zerendi, Sandyqtaý, Ereı­mentaý, Aqkól, Bulandy, Qorǵal­jyn óńirlerinde de týrızm birtindep damyp keledi. Zerendi aımaǵynda búginde kóptegen demalys oryn­­dary, onyń ishinde qysqy dema­lys oryndary jumys isteıdi. So­nymen qatar, EKSPO-2017 ha­lyq­aralyq kórmesi aıasynda Selınograd, Arshaly, Qorǵaljyn aýdandarynda etnoaýyldar qurý jobasyn júzege asyrý qolǵa alyndy. Munyń ózi kórmege qatysý úshin keletin myńdaǵan týrısterdiń qazaq halqynyń baı tarıhy, tól mádenıeti, dástúrlerimen tany­sýlaryna múmkindik beredi. Sońǵy jyldarda týrızm sala­syn jarnamalaý jáne nasıhat­taý jónindegi materıaldar shyǵarý kólemi de artyp otyr. Budan jarnamalyq ónimderdiń sany ǵana emes, sapasy da jaqsara tústi. Osynyń nátıjesinde oblysy­myzdyń demalys oryndary týraly aqparattar aýmaǵy keńeıýde. Oblysymyzda «Týrızm. Saýyq­tyrý. Saıahat» týrıstik jár­meń­kesin ótkizý berik dástúrge aınaldy. Sondaı-aq, biz jyl saıyn respýblıkalyq deńgeıde ótkiziletin «ITFA-2013», «Týrızm. Saýyqtyrý. Saıahat» halyqaralyq týrıstik kór­­mesi men respýblıkalyq «Sarqylmas saıahat-2013» kórme­sine jáne Aqtóbe qalasynda ót­ken «Sheberler aýyly» atty qol­­dan­baly óner ıeleriniń IV  respýb­lıkalyq festıvaline de belsene qatysýdamyz. Sodan bolar, oblysymyzǵa shetelderden keletin týrıster qatary kóbeıip otyr. Shynarbek BATYRHANOV, Aqmola oblystyq týrızm basqarmasynyń basshysy. Aqmola oblysy.