Atyraý ónimderi syrttan ákelinetin taýarlardy ysyra bastady

ASTANA. 11 shilde. Atyraý oblysynda jergilikti dıhandar ósirgen kókónister naryqty jaýlap aldy. Bul týraly «QazAqparat» habarlady. Atyraý qalalyq kásipkerlik bóliminiń jetekshisi Qadyrǵalı Turǵanov: «Bıyl maýsymdy alǵashqy bolyp ashqan «Dastan» sharýa qojalyǵy. Osy aptada onyń qataryna  «Musaǵalı», «Barys bolashaq» jáne «Qamalov» sharýashylyqtary qosyldy. Bul sharýa qojalyqtary usynyp otyrǵan kókónisterdiń baǵasy: qııar – 100 teńge, qyzanaq – 320, oramjapyraq – 50, bolgar buryshy – 250 teńge, sábiz baılamy – 100,  jasyl pııaz baılamy – 50 teńge», – dedi. Habarlamada kórsetilgendeı, bazarlar men dúkenderde jergilikti qarbyzdar da paıda bolǵan. Sonyń nátıjesinde bir kılo qarbyzdyń quny bir kúnniń ishinde  120-dan  70 teńgege tómendegen. Al eń bastysy, jergilikti dıhandar óz ónimderin saýdaǵa shyǵara bastaǵaly О́zbekstan men Qytaıdan ákelingen kókónister men kartoptyń baǵasy birshama arzandaǵan. Joldybaı Bazar. Derekkóz: «QazAqparat». Foto: «QazAqparat».