• 11 Shilde, 2014

Keden odaǵynyń tehreglamentterine saı emes oıynshyqtardy ákelýge shekteý qoıyldy

396 ret

kórsetildi

1 mın

oqý úshin

Egemen Qazaqstan

ASTANA. 11 shilde. 2014 jyldyń 10 shildesinen bastap Tutynýshylardyń quqyqtaryn qorǵaý agenttigi Keden odaǵynyń tehnıkalyq reglamentteri talaptaryna jaýap bermeıtin oıynshyqtardyń el aýmaǵyna ákelinýi men satylýyna ýaqytsha sanıtarııalyq shekteý engizdi. Bul týraly BNews.kz habarlady.

Atalǵan agenttik jurtshylyqqa oıynshyqtar tańdaý kezinde olarǵa erekshe mán berý qajettigin eskertip otyr. Oıynshyqtardy satyp alý kezinde sáıkestik sertıfıkattaryn nemese basqa da ilespe qujattardy talap etý qajet. Sondaı-aq, ónimniń sapasy men tańbalanýyna nazar aýdarǵan jón. Taǵy bir aıta keter jáıt, agenttik tarapynan qazirgi tańda respýblıkamyzdyń naryǵynda formaldegıdtiń ruqsat etilgen deńgeıinen 6 esege deıin, fenol 9 esege deıin artatyn jáne organoleptıkalyq kórsetkishterge sáıkes kelmeıtin, shyǵarylǵan jeri belgisiz oıynshyqtardyń keń kólemde satylyp jatqany anyqtalǵan. Joldybaı Bazar. Derekkóz: BNews.kz. Foto: Liki.me.