Aqmola oblysynda 2 jasar sábı ormanda ıtpen birge túnep shyqqan

ASTANA. 11 shilde. Aqmola oblysy Býrabaı aýdanynda úıiniń aýlasynan shyǵyp, adasyp ketken 2 jasar qyz bala orman ishinde ıtpen birge túnegen. Bul týraly «Ekspress K» gazeti habarlady. Oqıǵa ótken sársenbiniń keshki mezgilinde Shýche qalasynda oryn alǵan. Sábı aýlada alańsyz oınap júredi. Al anasy úsh sharýasynyń qamymen bolyp, qyzyna nazar aýdara qoımaıdy. Alaıda, sálden keıin áıel perzentin joqtap qalady. Sodan, úsh saǵat boıy balasyn izdep taba almaı amaly taýsylǵan 37 jastaǵy qala turǵyny túngi saǵat 00:25 shamasynda polısııa bólimine bolǵan jáıtti habarlaıdy. Sóıtip, Býrabaı aýdandyq ishki ister bóliminiń jeke quramy jáne ýchılıshe kýrsanttary birlese túni boıy balany izdep, ony tańǵy 06:00 shamasynda úıden 500 metr qashyqtyqta otyrǵyzylǵan orman ishinen ıtti qushaqtap jatqan jerinen tabady. Abyroı bolǵanda, bala aman. Joǵalyp tabylǵan balanyń ákesi Arman: «Sol kúni aýa-raıy sýyq boldy. Bárimiz jyly kıinip júrdik. Quqyq qorǵaý oryndarynyń qyzmetkerleri qyzymdy izdeýge ýchılısheniń kýrsanttaryn jumyldyrdy. Bala tańǵy saǵat 06:00-de tabyldy. It túni boıy óziniń jyly denesimen sábıdi tońdyrmaı shyqqan. Ittiń analyq meıirimi oıansa kerek, alǵashqy kezde ol izdeýshi adamdardy balaǵa jaqyndatqysy kelmepti. Bul ıt bizdiń úıge qys maýsymynda kelgen bolatyn. Biz oǵan «Jolbarys» dep at qoıǵanbyz», – dedi. Jergilikti dárigerler sábıdi ıt túngi sýyqqa uryndyrmaı aman alyp qalǵan dep eseptep otyr. Joldybaı Bazar. Derekkóz: «Ekspress K». Foto: «Ekspress K».