Astana mańyn damytýdyń keshendi jospary ázirlendi

ASTANA. 11 shilde. Elorda mańyn áleýmettik-ekonomıkalyq damytýdyń 2014-2020 jyldar aralyǵyna arnalǵan keshendi josparyn bekitý týraly Úkimet qaýlysynyń jobasy Memleket basshysynyń bergen tapsyrmasyn oryndaýǵa baǵyttalyp otyr. Bul týraly astana.kz habarlady. Atalǵan keshendi jospardy qabyldaý Astana qalasynyń mańyndaǵy ınjenerlik jáne áleýmettik ınfraqurylymdy qalalyq deńgeıge jetkizýge múmkindik beredi dep kútilýde. Keshendi jospar boıynsha kólik ınfraqurylymy, elektrmen jabdyqtaý nysandary, kommýnaldyq sharýashylyq obektileri, bilim, densaýlyq saqtaý salalary damytylady. Sondaı-aq, qala mańyndaǵy pýnkterde uzyndyǵy 398,12 km. jol men 1520,82 km. ınjenerlik jeli (sýmen qamtý, turmystyq jáne nóserli kanalızasııa men elektrmen qamtý) jáne 112 ınjenerlik qurylys (transformatorlyq shaǵyn stansııalar, kanalızasııalyq sorǵy stansııalary men nóserli kanalızasııany tazartý qurylysy) salý josparlanǵan. Joldybaı Bazar. Derekkóz: astana.kz. Foto: astana.kz.